“Ne’ebé orsamentu ba Sekretaria Estadu Kooperativa pasa,” dehan Prezidente Parlamentu Nasional Maria Fernanda Lay iha Plenaria debate OJE 2025 Fase espesialidade iha PN, Kinta (14/11).
Husi Orsamentu ne’e kompostu husi salariu vensimentu $2.187.870, bens no servisu $1.920.892, transferensia públika $1.850.000, kapital menor $100.000 no kapital dezenvolvimentu $0.
Orsamentu ne'e sei finansia ba programa prioridade SEKoop nian ba tinan fiskal 2025 maka hanesan, Dezenvolvimentu Rural no Urbanu, no Funsionamentu no Desenvolvimentu Institusionál inklui ho atividade no subprograma sira hodi dezenvolve seitor koperativa sira iha área rural no remota sira.
Entretantu, agora dadaun Federasaun rua maka ejiste hanesan, Federasaun Hanai Malu no Federasaun FENACULENDA-TL, total Kooperativa primaria hamutuk 231, ho ninia membru hamutuk ema na’in 37.161, kompostu husi feto, 17.645 no mane na’in 19.516 ho ninia kapitál hamutuk osan $19. 081.989,06.
Enkuantu, ba membru grupu produsaun no membru kooperativa ne’ebé tuir ona formasaun iha tinan 2024 hamutuk ema nain 557, tarjeitu rai ne'ebé maka atu kuda produtu Bafo Kayrala Tinan 2024, hamutuk hektares 710 no kultiva ona hamutuk hektares 346, kuilleta ona 80,5 toneladas.
OJE 2025 Ba SEFOPE Pasa ho Votu A-favor
Orsamentu Jeral Estadu (OJE) 2025, ho montante dolar amerikanu $8.484.953, bá iha Sekretaria Estadu Formasaun Profisional no Empregu (SEFOPE), aprova ona husi Parlamentu Nasional ho votu a-favór 47 kontra 0 abstensau 14.
Husi Orsamentu ne’e, aloka ba iha salariu vensimentu $3.478.411, bens servisu $3.108.295, tranferensia públika $1.344.279, kapitál menór 0 no kapital dezenvolvimentu $553.950.
