Diretor Jerál Planeamentu no Orsamentu Ministeriu Finansas, José Alexandre de Carvalho hatete, jornada Orsamentau ne'e la'os bu'at foun iha prosesu Orsamentu Jerál Estadu kada tinan. Tanba ne'e, Ministeriu Finansas kumpri de'it kalendariu ne'ebé mak aprova husi Konsellu Ministru katak ohin realiza jornada Orsamentau Jerál Estadu 2024 nian.
Iha jornada Orsamentau Preparasaun Orsamentu Jerál Estadu tinan 2024, ne'e mai ho nia tema jerál (kontinua konsolida no transforma prestasaun Serbisu liu husi hadia sistema Jestaun no Estratéjia Investimentu).
"Tetu orsamentu Jerál Estadu ne'ebé mak propoin iha ne’eba tetu, ita proposta haat, maka hanesan billaun $ 1.6, $ 1.7, $ 1.8 to’o billaun $ 1.9, maibé tetu ida ne'e konsidera ho ita nia sustetabilidade fundu Minarai nian," dehan José Alexandre de Carvalho hafoin reuniaun ba Jornada Orsamental iha Ministeriu Finansas, (12/09).
Nia dehan, Atu kompleta katak ohin seidauk iha Desizaun ida se haree konkluzaun ne'ebé Primeiru Ministru halo maka katak tetu husi senariu haat ne'e ne'ebé Ministeriu Finansas aprezenta ne'e sei lori ba Konsellu Ministru apresiasaun detaillu.
Bainhira konsellu Ministru aprova ona maka ho baze ba tetu agregadu Ministeriu Finansas sei halo dezagregasaun ba kordena ho liña Ministeriu sira Prepara ninia planu asaun Annual nune'e tuir fali mai sei iha komité ho kalendariu ne'ebé aprovadu ona.
Nia afirma, Kuandu haree didi'ak jornada Orsamentau ne'e signifika saida, ne'e signifika katak Tempu atu hahú prosesu Orsamentu, entaun ohin mak loron dahuluk prosesu ba Orsamentu ne'e rasik.
Jornada Orsamentu ninia objetivu mak Primeiru Ministru halibur membrus Governu no mós kámada sosiedade oin-oin hotu mai iha ne'e atu hetan orientasaun politika OJE tinan oin nian.
Orientasaun politika ne'e mak Primeiru Ministru hato'o iha neeba para nune'e bele simu fali informasaun ida ne'e Ministru idak-idak lori fali informasaun ne'ebé ohin hato'o atu sira ba prepara sira nia planu asaun Annual nune'e bele hetan alokasaun nune'e atu sai orsamentu jerál estadu 2024.
Iha jornada ohin ne'e, aleinde simu orientasaun politika husi Primeiru Ministru kona-ba Orsamentu ne'e, Ministeriu Finansas utiliza oportunidade ne'e Informasaun hotu-hotu liga ho situasaun Finansas Públika ninian. Inklui prosesu alinea proposta atividade ka proposta no projetu liña Ministeriu sira ho programa Governu nian.
"Tan tinan ida ne'e ita iha mudansa du Governu signifika signifika Atividade ka Projetu ne'ebé mak Ministeriu sira dezeñu ka define atu implementa tenke iha ninia alineamentu ho programa Governu dasia nian," nia salienta.
Nia akresenta, iha jornada ohin ne'e aleinde ida ne'e Ministeriu Finansas mós Informasaun kona-ba situasaun Finanseiru signifika ko'alia kona-ba Fundu Minarai no mós situasaun imprestimu nian, projetu sira ne'ebé iha Parseiru Públiku no Privadu.
