Prezidente Tribunál Rekursu, Deolindo dos Santos hateten, objetivu mai iha Parlamentu Nasional ho ekipa tékniku sira atu halo aprezentasaun ba Tribunál Rekursu nia orsamantu tinan 2023 nian.

"Orsamentu husi pakote ne'ebé governu atribui mak millaun $7.5 no husi orsamentu ne'e ami fahe bele responde nesesidade Tribunál sira nian. Maibé, iha diskusaun no aprovasaun diploma tuir Lei Organzizasaun Judisiáriu ne'ebé atu hari Tribunál distánsia tolu no hari Supremu Tribunál Justisa ne'ebé uluk diskusaun ona, entaun ami presiza prevé tán orsamentu adisional,” informa Deolindo dos Santos, iha Parlamentu Nasionál, foin lalais.

Nia subliña, pokote fiskál orsamantu ne'e inklui konstrusaun ba dezeñu ba Tribunál rekursu rasik iha ona, soké presiza tan espasu.

"Ne'e duni, ami husu pedidu adisionál rihun $ 400  atu alarga tán atuál Tribunál Rekursu ba kotuk oituan, 20 metrus hanesan ne'e," tenik nia.

Orsamentu 2023 ne'e Tribunál Rekursu fó prioridade ba buat barak, inklui atu implementa Lei Organzizasaun Judisiáriu foun no Estatutu foun.

"Ne'ebé mak ita ona instansia tolu entaun ita fó respostas ba instansia tolu ne'e entermus rekursu umanu, Infraestrutura, ekipamentus ita tenke konsidera buat sira ne'e," tuir nia.

Nia fundamenta, Orsamentu millaun $7.5 ne'e to'o maibé ho tán Tribunál Rekursu nia pedidu adisionál ne'ebé mak rihun$400 atu halo alargamentu Tribunál rekursu nian.