“Rezultadu votasaun a-favór 39, kontra 0 no abstensaun 20, nune’e OJE 2023 ba MSSI pasa,” dehan Prezidente PN Aniceto Longuinhos Guterres Lopes, liu husi Plenaria iha PN tersa ne’e (15/11).
Tanba ne'e, iha tinan 2023, MSSI prevee $30,717,108 hodi implementa programa boa-governasaun no jestaun instituisionál hamutuk dolar amerikanu $7,869,807 ho nia sub-programa boa-governasaun nia atividade lima, sub-programa jestaun instituisionál ho atividade 10, sub-programa parseria nia atividade rua (2).
Enkauntu, iha Programa igualidade jéneru no inkluzaun sosiál prevee $ 22,847,301, ho sub-programa protesaun solidariedade sosiál no inkluzasaun ho atividade implementasaun estratéjia nasionál protesaun sosiál.
Aleinde, ho sub-programa protesaun no promosaun direitu ema ho defisiénsia ho atividade promove direitu portadór difisiénsia inteletuál, atividade monitorizasaun implementasaun Planu Asaun Nasional ba ema ho defisiénsia, promosaun direitu ema ho defisiénsia, konsellu nasionál ba ema ho defisiénsia.
Ba Sub-programa reabilitasaun no reintegrasaun ema ho problema saúde mentál no defisiénsia ho atividade apoiu resgate ba ema ho defisiénsia mentál konfinamentu iha uma, atividade empoderamentu no reintegrasaun komunitária.
Aleinde, Sub-programa apoiu veíkulu funerál no kaixaun ho atividade apoiu família em-lutada, transladasaun falesimentu iha exteriór.
Enkuantu, Sub-programa Bolsa da Mãe ho atividade subsídiu apoiu, dadus rejistu no verifikasaun Bolsa da Mãe, subsídiu apoiu jerasaun foun ba feto ne’ebé isin rua no labarik ho idade menus husi tinan tolu no labarik ho defisiénsia.
Sub-programa asisténsia sosiál mak atividade ajuda umanitária, apoiu emerjénsia komunidade afeta dezastre naturál. Sub-programa inkluzaun sosiál ho atividade parseria ho instituisaun solidariedade sosiál ba protesaun no reintegrasaun ba komunidade no inkluzasaun sosiál, atividade partisipasaun iha arte, kultura no kapasitasaun komunidade inkluzaun sosiál.
Enkauntu, Sub-programa reintegrasaun komunitária ho atividade reintegrasaun ba labarik iha konflitu ho lei, prizoneiru no eis-prizoneiru, atividade reintegrasaun LGBTI, trafiku umana no idozu abandonadu iha komunidade, reintegrasaun ema ho afetadu droga no konflitu pasadu iha komunidade.
Entretantu, Sub-programa implementasaun NAP-rezolusaun 1325 ONU ho atividade promove inisiativa feto ba pás no koezaun sosiál, sub-programa implementasaun NAP ho atividade haat, sub-programa protesaun labarik iha risku no perígu ho atividade rua.
