Antes atu aranka, traballador hirak ne’e sei halo teste PCR iha loron 19 fulan-Outubru no rejultadu hatudu negativu ka livre husi Covid-19.
Diretur Nasional Diresaun Nasional Empregu Exterior (DNEE), Filomeno Soares hateten, traballadór nain 60 ne’e, kompostu husi ema na’in 16 ba servisu iha area fabrika no na’in 25 iha area peskas nian, inklui mós ho traballador tuan na’in 19.
“Husi rezultadu ne’e hatudu negativu no oras ne’e, ami sei lori sira ba iha otel hodi prepara aranka ba Súl Korea,”dehan nia iha knar fatin DNEE-Bekora, kuarta horseik.
Iha fatin hanesan Traballadór, Bendito de Jesus husi Munispiu Bobonaro, apresia ba governu Timor-Leste, liu-liu Sekretariu Estadu Formasaun Profesional no Empregu (SEFOPE), tanba bele esforsu makas hodi haruka Timor ona lubuk ida atu ba servisu iha Súl Korea.
“Hau tuir formasaun hahú tinan 2019, depois ida nee ami tuir teste iha fulan Outubru tinan 2019 no ezame, depois iha Fevereiru tinan 2020 kontratu mai no ami atu aranka iha fulan Abril no ohin ami konsege atu aranka ona ba Súl Korea,” tenik nia.
Asistente Editor: Saturnina da Costa
