Ohin, Total Númeru Kazu Dengue Sa’e Ba 2.281

Novembru 28, 2024

Nasional

Ohin, Total Númeru Kazu Dengue Sa’e Ba 2.281 ^Featured

By Gregorio da Costa Fevereiru 21, 2022 341

susuk neebe lori moras dengue. Foto:Dok.

DILI: Tuir dadus husi Ministeriu Saúde liu-husi Diresaun Nasional Saúde Públiku, Departamentu Vijilansia Epidemolojía relata, hahú iha loron 01 janeiru to’o ohin (21/02), total númeru kazu dengue sa’e ba 2.281.

Husi númeru ne'e, maioria husi Kapital Dili ho kazu 1.413. aleinde, iha mós Munisipiu Ermera ho kazu 90, Manatutu ho kazu 142, Baukau ho kazu 105 , Manufahi ho kazu 95, Kovalima ho kazu 82, Bobonaro ho kazu 32, Líkisa ho kazu 74, Aileu ho kazu 69, Ainaro ho kazu 30, Vikeke ho kazu 53, RAEOA ho kazu tolu no Lautem ho kazu 93.

"Haree husi kazu ne'e, Dili kontinua rejista ho numeru neebé aas no munisipiu 12 inklui RAEOA mak dadaun ne'e rejista ona kazu dengue,”dehan komunikadu neebé Online INDEPENDENTE asesu, segunda nee (21/02).

Entretantu, husi númeru kazu neebé aumenta, Ministra Saúde husu nafatin ba populasaun sira atu aprezenta aan iha fasilidade saúde neebé besik, bainhira sente isin manas ka laran sae, liman ain sikun moras, atu bele hetan atendementu husi mediku sira.

Aliende, Governu mós halo hela prevensaun moras dengue liu-husi asaun sira hanesan, limpeza jeral no halo fumigasaun ba fatin neebé identifika sai fatin risku ba dengue.

Asistente Editor: Saturnina da Costa

Rate this item

(1 Vote)

Last modified on Segunda, 21 Fevereiru 2022 22:49