"Ha’u hatuun ona orden ba ha’u nia parseiru sira atu hapara tiha apoiu fundus ba Organizasaun Saúde Mundiál ne’ebé faille taka transmisaun coronavirus,"dehan Trump iha konferensia ba imprensa, iha uma fukun, tersa (14/04).

"WHO faille hala’o sira nia knaar bazikamente no husu sira nia responsabilidade,"nia hatutan.

Atualizasaun transmisaun COVID-19 iha mundu, EUA mak sei as liu, afeitadu kazu hamutuk rihun 602.989, mate rihun 25.575.

Espesialista ida ne’ebé hala’o hela nia knaar luta kombate coronavirus hatete, EUA tarde halo antesipasaun ba luta kontra coronavirus.

Lolos bele salva ema barak nia vida, karik antes ne’e halo ona preparasaun no antesipasaun hapara transmisaun COVID-19 ne’e.

"Karik halo preparasaun proximu, atu taka buat hotuhotu, dala ruma diferente ho saida mak akontese agora," dehan Dr. Anthony Fauci, ba CNN.

Entretantu, WHO iha Timor-Leste ativamente apoiu Governu luta hasoru kombate COVID-19.

Ho inisiu kedas, WHO hamutuk ho Governu halo ona metodu prevensaun no halo ona sosilizasaun kona-ba oinsa atu prevene surtu coronavirus no oinsa virus ne’e atu hadaet husi ema id aba ema seluk.

Governu lideradu husi Primeiru Ministru Taur Matan Ruak agradese ba WHO nia apoiu iha situasaun defisil ne’e.