Ministra Solidariedade Sosiál no Inkluzaun (MSSI), Verónica das Dores hatete, ba pontu vikal sira ne’ebé hetan ona ekipamentu hirak ne’e tenki ba foti dadus iha baze no labele halo diskriminasaun ba komunidade sira husi suku rasa no relijiaun.
“Ha'u rekomenda mós ba ita-boot sira karik ho motor tun ba baze, bainhira foti dadus ba ita-nia maluk, ba ita-nia komunidade sira, bainhira tun ba iha terenu labele halo diskriminasaun, labele haree ba kór no rasa, se maka tama iha kritéria vulnerabilidade ida ne'e maka ita boot sira foti. Ne'ebé dala ida tan ita sira sai liman no ain ba Ministériu Solidariedade Sosiál no Inkluzaun nian,” dehan MSSI hafoin entrega motorizada no ekipamentus informátika ba pontu vokal Bolsa da Mae (BDM) Kondisional husi Munisipiu 12 inklui Rejiaun Adminstrativa Espesial Oekussi Ambeno (RAEOA) iha Edifisiu MSSI Kaikoli, Segunda (13/05).\
Iha prosesu distribuisaun ne’e, nia husu ba pontu fokál sira atu utiliza ekipamentu hirak ne’e hodi hakbesik liután ba iha komunidade iha baze, tama no sai aldeia sakrifika an atu foti dadus ne'e tenke ho di'ak, bainhira foti dadus mós haree ba saida mak iha, labele inventa dadus.
“labele hakerek vulneravel sira nia uma la di'ak depois tau fali uma di'ak, ne'e ha'u husu favór boot ida labele akontese ida ne’e, nia ki'ak tau duni ki'ak no faluk tau duni faluk labele inventa ka halo diskriminasaun, ne'ebé bainhira ita boot sira halo hanesan ne’e ha'u hetan mak sei simu konsekuénsia,” dehan Ministra
Tanba ministériu entrega motór no materiál sira ne'ebé iha ne'e ho simbolikamente sei entrega ho dokumentu tomak, ba pontu vikal sira hodi hala’o servisu ho profisionál, transparénsia no servisu hanesan ema Timoroan.
Nune'e mós Benefisáriu Pontu Fokál husi Munisipiu Aileu, Filomena da Costa Bonaparte informa, ohin sente orgullu tebes tanba bele hetan tan matorizada ho ekipamentu sira seluk.
“Hau orgullu no agradese tebes tanba ha'u hanesan feto ida, bele hetan tan apoiu husi governu, ne'ebé mak entrega ona motorizada ba ha'u, atu nune'e ha'u bele hala’o ha'u-nia servisu ho di'ak, liuliu iha área rurais iha Munisípiu Aileu,” dehan nia.
Enkuantu, Ekipamentus ne’ebé MSSI fahe ba pontu vokal Bolsa da Mae (BDM) Kondisional hanesan motor 13, Dekstop ualu (8) no mós kadeira hitu (7), ne’ebé sei halo atendimentu ba servisu sosiál nian iha ba