Diretór Nasionál Apoiu Asisténsia no Sosiál, Fernando dos Reis hatete, iha tinan 2024, MSSI aloka orsamentu hamtuk Millaun $6 ba benifisiariu hamutuk rihun haat nulu resin.
“Agora orsamentu ne’ebé ita prevé ba iha 2024 hamutuk millaun $6, agora dadus mak ami iha dadauk ne’e bele iha posibilidade rihun haat resin ou bele mos liu tanba kauza husi dadus reklamantes ne’ebé pendente hela tanba rekezitus báziku ne’ebé atu asesu ba BdM mak tenki iha BI,” dehan Diretór Nasional ba Jornalista Sira iha nia Knar fatin Kaikoli, Segunda (13/05).
Diretór dehan, iha tinan 2024 benifisiariu BdM-kondisional atu hetan sira-nia direitu rekézitus báziku mak tenke iha BI mak sei reprezenta dokumentus sira sé iha de’it Kartaun Eleitoral ne’e sistema sei la selu.
Nia esplika, iha tinan ne’e pagamentu ba BdM-Kondisional sei hala’o iha fulan-Juñu nia laran maibé Ministeriu sei halo pedidu ba iha Banku Nasional Komérsiu Timor-Leste (BNCTL-Sigla Portugués) atu nune’e sira mak halo kaléndariu ba pagamentu.
Tan ne’e, durante loron sanulu nia laran hahú loron ohin Ministériu liu husi Diresaun BdM sei lori lista ba taka iha munisípiu atu nune’e lista sira ne’ebé elejível ka balun sala no reklamasaun durante iha loron sanolu nia laran sira bele hadi’a kedan.
Husi ida ne’e mak sira fo fila dadus katak ida ne’e mak fixu katak ema sira ne’e elejivel duni ita halo halo kalendariu pagamentu, maibé ami mos sei kombina ho BNCTL, tan ne’e ami sei halo pedidu ba BNCTL no sira mak sei halo kalendariu maibé tentativa ne’e iha fulan Juñu nia laran tanba ida ne’e mak ministeriu liu husi diresaun BdM hakarak,” Katak Diretór.
Enkauntu, tuir alterasaun dekretu lei nu1/2024/ 3 Marsu kada benisiariu iha Ensinu báziku primeiru no segundu siklu sei hetan dolar $8, EB terseiru Siklu $9 no sekundariu $10 no Adisional $5 ba Ema ho Defisiensia (EhD).