MS Rekoñese Postu Saúde Balun Provizóriu la Funsiona Featured

By Adelaide dos Santos Fevereiru 29, 2024 188
Ekipa Integradu Ministériu Saúde. Foto:Dok/INDEPENDENTE. Ekipa Integradu Ministériu Saúde. Foto:Dok/INDEPENDENTE.

DILI: Ministériu Saúde (MS) liu husi Ekipa Integradu rekoñese postu saúde balun iha munisipiu sira provizóriu la funsiona tanbá kestaun rekursu umanu ne’ebé la sufisiénte, maibé esforsu ona hodi solusiona.

Portavoz Ekipa Integradu Ministériu Saúde, Vidal Lopes hatete, solusaun ba ida- ne’e iha ona faze preparasaun hodi halo rekrutamentu ba pesoal saúde sira-ne’ebé mak agora dadaun la’o hela.

Vidal dehan,  nune’e inisiu fulan marsu bele iha ona solusaun hodi koloka rekursu sira-ne’e bá fasilidade saude sira ne’ebé presiza duni.

“Funsionamentu Rekursu humanu agora dadaun iha HNGV la’o di’ak hela inklui iha instituisaun relevante sira iha Ministériu saúde nia okos funsiona hela, maibé iha munisipiu postu saúde sira, ami rekoñese katak hetan komfirmasaun balun provizoriamente la funsiona, tanba kestaun rekursu humanu,” Dehan Portavoz Ekipa Integradu Ministériu Saúde, Vidal Lopes, iha Ministériu Saúde, Tersa (27/02).

Nia dehan, Bainbain Ministeriu Saúde utiliza diagnostiku ne’e hodi utiliza ema nia moras, maibé lianguajem ne’e sira uza hodi halo diagnostiku bá servisu rasik, problema ne’e iha neebé, halo diagnosa atu nunee buka solusaun, nune’e kandidatu sira, kuandu públika ona loron rua ka tolu bele asina kontratu hodi koloka kedas ba fatin sira.

Entretantu, Prezidente Komisaun Permanente Rekrutamentu Kontratadus (CPRC) iha Ministeriu Saude, Julio dos Santos informa,  totál aplikante ba servisu munisipál ne’e hamutuk 3,255, maibe husi numeru ne’e Ministeriu saude presiza de’it aplikante hamutuk 863, signifika ema maioria mak la liu iha vaga refere.

“Prossesu intervista bá professional saúde sira iha nivél munisípiu ne’e, ita hahu tiha ona iha loron hirak bá kotuk to’o ohin loron 06  fulan-fevreiru ita prossesa hahu ona husi Vikeke, Baukau, Lospalos no Ainaru, no ohin ita remata tan ita kontinua ba iha munisipiu Bobonaru, Ermera Likisa no RAEOA, bainhira sira ne’e hotu ona mak ita prossesu seleksaun ba sira nia valór hodi hato’o ba iha Ministériu Saúde  hodi hetan aprovasaun,” Dehan nia iha INFPM, Sexta (23/02).

Nia esplika, husi totál 863 nee kada sentru saúde  ida koloka ema 15, nune’e ba postu saúde kompeténsia servisu munisipal ni’an hodi haree ba postu saúde ne’ebé presiza liu.

Maske la sufisiente, nia informa, tenke fila-fali ba mapamentu husi servisu munisipal sira, tanba ne’e bainhira selebra ona kontratu hodi haruka sira ba servisu iha municipal, depois mak  Diretor servisu munisipal sira identifika husi pesoal saúde ne’ebé MS koloka ba ne’e to'o ka la'e?.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30