Tuir Ministra Saúde, Odete Maria Freitas Belo, hatete, maske moras Covid-19 sei nafatin rejista ho nia sintomas kmaan, maibé ministériu saúde la'os foku de'it ba Covid-19 ne'e, maibé haree mós ba moras sira seluk ne'ebé importante tebes, hanesan moras Tuberkuloze ne'ebé sei aas.
Aleinde, ne'e vírus monkeypox iha ne'ebé mosu ona nasaun seluk.
"Ekipamentu ka infraestrutura sira ne'e, laiha liafuan atraza ba ita, tanba agora mós ita presiza i ha'u hanoin uma kiikoan ida-ne'e, ho uma ne'ebé mak ita iha, orsida ita haree hamutuk saidá de'it mak iha laran no la'os ba ema Baukau de'it, maibé ba mós ita-nia maluk sira husi Munisípiu Vikeke no Lautem, ha'u konta ho Manatutu maibé Manatutu besik liu Díli dalaruma sira prefere liu bá iha Díli, entaun ho fasilidade ne'ebé mak iha, Baukau sai hanesan responsável ba fasilidade sira ne'ebé mak ita inagura dadauk, no ita simu la'os ba Baukau de'it maibé ba Munisípiu tolu,"dehan nia iha komunikadu ne’ebé Online INDEPENDENTE, asesu sabado ne’e (20/08).
Tanba ne’e, Ministra Saúde ne’e, apela ba pesoál saúde sira ne'ebé uza fasilidade ne'e ho responsabilidade, atu nafatin iha kondisaun di'ak hodi atende ba komunidade sira Munisípiu Baukau, Vikeke no Lautem.
