Tuir komunikadu ne’ebé online INDEPENDENTE asesu katak simeira Sidade Mundiál World City Summit-(WCS), maka plataforma globál ida ba líder governu nian no peritu indústria nian hodi rezolve dezafiu sira sidade nian ne'ebé bele moris no sustentável, fahe solusaun urbana integradu sira no hari’i parseria foun sira.
Desde 2008, WCS hari’i hetan ona partisipasaun hosi sidade liu 250 hosi mundu tomak, ne'ebé reprezenta líder sira hosi governu, emprezariu ne’ebé hola parte iha Industria, organizasaun internasionál no akademia.
Edisaun ba dala-10 hosi Simeira Mundiál Sidade sira nian sei hala'o hosi loron 14 to'o loron 16 fulan-Juñu tinan 2026, iha Singapura. Eventu loron 3 ida-ne'e kompostu hosi konferénsia prinsipál no eventu xave sira seluk hanesan Fórum Primeiru-Ministru sira, Simpóziu Líder Foin-sa'e sira WCS nian, Prémiu Sidade Mundiál Lee Kuan Yew, Simpóziu Siénsia Sidade sira-nian, no espozisaun ida.
Tema ba WCS 2026 maka Sidade sira ne'ebé bele moris no sustentável: ATUA Agora! Aselera, Kolabora, no Transforma–hodi atu kria sidade sira ne'ebé maka ema bele hela seguru, reziliente no sustentável liu.
