Iha ámbitu estrada rurál, hosi projetu 260 ne’ebé prevee ona, 45 konklui ona no 215 marka ona ba tinan 2026. Kona-ba estrada urbana, nasionál no munisipál, finaliza ona projetu 27, ho 160 seluk ne’ebé prevee ona atu implementa iha tinan 2026.
“Kona-ba ponte, hosi projetu 17 ne’ebé planeia ona, ida remata iha 2025 no sanulu-resin-rua mak ajenda ona ba ezekusaun iha 2026. Iha área bee no saneamentu, projetu ida remata ona no sanulu-resin-rua hein atu remata iha 2026. Iha setór eletrisidade, projetu 15 remata ona, ho projetu 49 tan ne’ebé prevee ona ba tinan 2026,” Sita Komunikadu ne’ebé Média online INDEPENDENTE asesu, kuarta (07/01).
Nune'e mós, projetu emerjénsia hamutuk 39 maka remata iha 2025, ho 228 ne'ebé mak programa ona atu remata iha 2026.
“Ikus liu, iha área edifísiu públiku no jardín sira, projetu lima mak implementa ona, ho 21 seluk ne'ebé maka planeia ona atu ezekuta durante 2026,” komunikadu haktuir.
