Enkuantu, livru tolu ne'e nia títulu mak Bairu Matak ba edukasaun Pre-Eskolar, Hadomi Ita Nia Ambiente no mós Abere Moras ba ensinu báziku klase 1.

Country Director MMT, Alipio Baltazar hatete, livru istória hirak ne'e sei utiliza hodi ápoiu aprendijazem tuir kuríkulu nasionál edukasaun pre-eskolar no ensinu báziku iha Ministériu Edukasaun.

“iha livru Abere Moras sei ajuda inan-aman no oan sira atu hatene oinsá tau atensaun ba saúde liu-husi ne'ebé ita sei konsumu no oinsa tau atensaun saúde báziku liuliu fase liman ho sabaun antes han no depois sentina hodi asegura saúde báziku ema hotu,” dehan nia iha Salaun Mahoka, Osindo, kinta (20/07).

Country Director ne’e esplika, iha livru rua seluk ho objetivu atu hanorin labarik sira aprende kona-ba oinsa kuidadu ambiente liu husi asaun loron-loron nia iha uma, eskola no komunidade ne'ebé mak bele lori impaktu pozitivu ba ambiente públiku.

“Prezensa livru tolu ne'e atu hasa'e konsiensia estudante sira nian kona-bá importansia atu kuida ambiente no saúde báziku. Livru istória sira ne'e hanesan investimentu sedu ba estudantes sira atu hasa'e sira nia domin no kuidadu ba ambiente no saúde báziku atu asegura moris ne'ebé seguru ba ema hotu,” nia esplika.

Iha fatin hanesan, Direór Jeral Administrasaun no Finansas, Antoninho Pires hatete, livru ne'e bele ajuda ona kanorin sira hodi bele enrikeza di'ak liu tan sira nia dominiu no sira nia koñesementu iha prosesu ensinu aprendisjazem durente sira nia periodu.

“Hau senti onra boot ida tanba bele servisu hamutuk ho parseiru dezenvolvimentu liliu MMT, ba iha área edukasaun nian ne'ebé espesial liu ba dezenvolvimentu iha konteudu kurikulares bele hato'o mós iha livru, livru sira ne'e serve hanesan mós livru ápoiu ba presesu ensinu aprendijazem iha eskola,” nia hato'o.

Diretór Jeral afirma, livru ne'ebé hatur katak ambiental no saúde bázika ne'e ema hotu hatene, no hein katak ho nia konteudu sira ne'e bele haforsa manorin sira hodi bele kesi di'ak liu tan sira nia programa no aktividade iha eskola hodi hanorin estudante sira.

Nia esplika, hein katak dezenvolvimentu material kurikular ne'ebé bele suporta Ministériu Edukasaun no hein katak MMT hatur ona iha fatin hodi bele kontribui ba iha área edukasaun.

Iha biban nee mós, Xefi Kasa Sivil, Sejuinha Maria Ferreira Gomes hatete, lansamentu livru ne'e kona-ba ambiental no  saúde bázika ne'ebé imoptante tebes no livru ne'e oferese ba labarik sira pre-eskolar iha primeira klase atu nune'e koñese kona-bá ambiente no mos saúde públika

“Prezidente Repúblika iha programa ida ne'ebé importante tebes liliu edukasaun ba labarik sira pre-eskolar nomos sekundaria sira atu promove literasia no kultura oinsá labarik sira hatoman an lee bainhira sira sei kiik,” nia hatoo.

Xefi dehan, PR mós iha vizaun ida ne'ebé importante tebes liliu iha área saúde nian, ba infantil sira nia nutrisaun, inan isin rua, ne'ebé edukasaun ne'e tama iha parte importante ida ne'ebé PR hakarak halo advokasia ho governu nune'e bele tau matan di'ak liu tan ba iha edukasaun ba labarik sira.