Ministru Justisa, Sergio da Costa Hornai hatete, planu harii Sentru Juvenil nia prosesu la'o hela, tanba Janeiru governu komesa tau orsamentu no halo kordenasaun ho diresaun Terras Propriedade maibé sira sei presiza levantamentu dadus.

"Sentru Juvenil prosesu la'o hela, ha'u hatete prosesu la'o hela nune'e tanba iha Janeiru komesa hahú tau orsamentu, ita komesa halo kordenasaun ho diresaun Terras Propriedade, maibé sira presiza halo levantamentu," dehan Sergio Hornai hafoin audensia ho Komisaun A iha Parlamentu Nasionál, (03/04).

Nia hatutan, Presiza halo levantamentu dadus, presiza halo pontus ba iha objetu terrenu nian para atu define ho lolon hodi nune'e Ministériu Justisa bele karik hodi sujeita bá iha Aprovizionamentu bele iha ona pontus sira ne'ebé mak iha.

"Sujeita bá iha Aprovizionamentu bele iha ona pontus bele iha ona pontus sira liu-liu titik sira ne'ebé halo distinsaun bá iha tamanu rai ne'e ninian entaun bele fasil para atu bele fasil atu ajuda iha dezeñu no mós halo kontajen sira ba iha kestaun tekniku iha BoQ sira," nia dehan.

Ministériu iha ona Sekretária grande projetu, no mós prosesu kordenasaun la'o hela iha ona Sekretáriu grande projetu nian iha Ministériu Planeamentu Investimentu Estratéjiku (MPIE).

Enkuantu, Ikus ikus ne'e krime sira akontese ne'e involve de'it labarik minoridade sira bainhira to'o iha Tribunal sempre liberdade oinsá governu nia haree oinsá iha ona dalan ruma atu halo Alterasaun bá lei ne'e? Nia dehan tanba ne'e harii sentru Juvenil no sentru vokasional para atu haree bá idade ne'e.

"Bom hanesan ohin ami temi dadauk ita ko'alia kona-ba imputabilidade ka iha responsablidade kriminal sé la monu ba iha sira ne'ebé imputabilidade iha forma rua ida mak idade minoridade no ida mak ema ne'ebé inkapasidade iha ninia psikolojikamente labele responsabiliza, Entaun sira iha imputabilidade," nia salienta.

Entaun sira labele responsabiliza bá sira ninia prátika ne'ebé, maibé hanesan Públiku hatene katak hanesan Ministériu Justisa Timor-Leste nia Kodigu penal liu-liu iha artigu balun iha neeba ko'alia kona-ba imputabilidade.

"Sira ne'ebé iha minoridade 16 anos mai kraik, entaun sira labele Asume responsablidade kriminal, ita mós ratifika ona konvensaun International sira kona-ba Direitu das Kriansas protesaun de direitu Kriansas ita nia lei kona-ba labarik minoridade ninian," nia akresenta.

Entaun fó hanoin balun ba iha Ministériu Justisa ho ninia estrutura buka esforsu sira hanesan oinsa mak sentru vokasional ida ka sentru aprendisajen ida ba iha joven sira karik sira imputa bá iha prátika kreime ruma iha fatin propriu para atu bele tau sira iha neeba atu eduka sira atu labele halo prátika ida ne'e.

"Entaun ida ne'e halo dadaun ona Serbisu balun no sentru Juvenil ne'e la'o dadaun hela ha'u hatete dala ida tan hanesan mós prizaun sira seluk bá iha Weberek no Sentru Juvenil ninian."

"Resentemente iha modus opranden sira barak ha'u hanoin ida ne'e Serbisu tekniku ida ne'ebé mak Ministériu Justisa presiza halo parseria ida ho Órgaun kompetente sira para atu haree took tanba iha responsablidade kriminal ne'e la'os de'it ba iha autór maibé iha kuoltor, edifikasaun no mós sira ne'ebé Partisipa, entaun iha ne'e ita sei haree katak modus opranden krime halo ne'e keta ema ruma iha neeba sai hanesan kuotor, maibé uza modus opranden labarik labarik sira ne'e mak iha oin," nia dehan.

Kuandu la halo investigasaun ida profundu entaun labarik sira dehan labarik sira mak halo sira tenke imputa mais hirak ne'e hanesan Estadu prontu lo'os atu haree oinsá mak Órgaun polisia kriminal ida bele iha kbiit para atu deteta bu'at ne'e.

Hanesan sira seluk mós intelijensia Nasional ne'ebé uza mós para atu bele providensia Informasaun katak sira hodi haree ninia modus oprandin andamentu sira para bele iha serteza absoluta ida ba iha ilisitude ka krime ne'ebé akontese.