“Iha semana kotuk hau haruka ona karta ba Ministra Saúde, kona-ba supensaun atividade eskola iha universidade sira, maibé seidauk iha resposta entaun ita hein,”dehan nia Parlamentu Nasional, tersa horseik (24/08).
Tuir nia, tuir dekretu lei Governu nian, bainhira atu suspende aula prezensial tenki iha rekomendasaun husi Ministeriu Saúde.
Entretantu, Ministra Saúde Odete Maria Freitas Belo hatete, molok ne’e sira halo inkontru dahuluk ho MESKK hodi reativa fali aula prezensial, maibé iha semana rua nia laran haree ba kazu foun Covid-19 kada loron aumenta.
Tanba ne’e, nia parte hein hela desizaun husi Konsellu Ministru nune’e, bele suspende fali atividade eskola sira.
“Ha’u hein hela inkontru iha Konsellu Ministru atu deside medidas balun hodi implementa, nune’e Ministra Saúde sei responde karta husi MESSK,”dehan MS.
Asistente Editor: Saturnina da Costa
