Enkuantu, munisipiu haat mak hanesan, Ainaro, Likisa, Ermera no Manatuto.
Diretór Jéral Administrasaun-MEJD, Antoninho Pires, hatete, distribuisaun nee realiza, tanba MEJD iha kooperasaun ho CARE Internasional liu husi programa HATUTAN hodi apoiu aihan merenda eskolar ba eskola sira nee, ba tinan tolu.
“Ami apresia tebes ba CARE Internasional liu husi programa HATUTAN, neebé apoiu ona merenda eskolar ba ita nia estudante sira, neebé ninia programa pilotu ba iha munisipiu Ainaro, Ermera, Likisa no Manatuto,”dehan nia iha Armazen CARE, Komoro, sesta horseik (08/01).
Nia hatutan, programa ida nee sei fó benefisiu ba estudante nain 90.000 iha eskola sira iha munisipiu haat hamutuk 445.
Iha fatin hanesan, Diretór CARE Internasional iha Timor-Leste, Peter Good Fellow, hatete, programa HATUTAN, importante tebes, tanba servisu iha area hotu hanesan, jeneru, nutrisaun, edukasaun no mós saúde.
Nunee, liu husi programa merenda eskolar nee bele fó nutrisaun diak ba labarik sira iha eskola refere.
Entretantu, aihan sira neebé distribui ba eskolar sira mak hanesan, koto toneladas 150, mina toneladas 70 no fós toneladas 440.
Asistente Editor: Saturnina da Costa
