Ekonomy and Planing Justise Manager, Oxfam Lucio Savio hateten liga ho Orsamentu Jerál Estadu (OJE) kada tinan liliu OJE 2021 ne’e la fó prioridade ba setór agrikultura, mak liu husi media tour jornalista sira bele hatudu faktus ida kona-ba povu nia moris iha area remotas.

"Entaun aproveita ho tempu ida ne'e ita hakarak aprejenta evidensia iha rural ba públiku no ukun na’in sira katak kondisaun real agrikultura sira nian mak ne'e,"dehan nia iha nia knaar fatin, Hudi Laran, ohin (27/10).

“Tanba ne’e AJTL ho Oxfam tuur hamutuk hodi elabora ideia katak importante ita bele too ba iha area rural atu   halo kobertura ba atividade sira ne'ebé komunidade sira halo ne'ebé durante ne'e seidauk hetan atensaun masimu husi mak kaer ukun sira”.

Tuir nia, mesmu iha komunidade barak mak depende ba setór agrikultura tuir sensu-agrikultura iha tinan 2015 ne'ebé hatudu katak 89.8% maibé polítika ba aplikasaun orsamentu ba setór agrikultura menus 3% husi aplikasaun OJE kada tinan.

Tanba ne'e, liu husi kria kooperasaun hodi hato'o ba públiku katak governu presiza tau atensaun iha polítika hodi investe ba iha setór agrikultura.

"Tanba ne'e maka ita mós hakarak hato'o mensajen no kobertura ne'e ba mak kaer ukun sira atu bele tau atensaun no investe ba setór agrikultura liu husi OJE 2021, ami nia mensajen importante ba mak kaer ukun sira maka investe ba setór agrikultura inklujivu liu husi OJE 2021 nian, atu hatene katak importante ema ho defisiensia feto ho mane presiza iha atensaun msimu husi investimentu ida ne'e," tenik nia

Iha sorin seluk, Kordenador Media Tour-AJTL, Floriano Soares hatete media tour hanesan programa prioridade ba AJTL hodi lori jornalista sira ba halo kobertura iha area rural tanba iha komunidade barak mak halo produsaun barak maibé too agora sira seidauk bele asesu ba iha merkadu.

"Faje primeiru maka iha Munisípiu Ermera no Aileu jornalista sira kompostu husi media nasionál sira na’in neen (6) inklui ho mebru AJTL sira na’in neen (6),"dehan nia iha dalan Oxfan hudi para ohin(27/10).

Media Tour ne’e sei halo durante loron tolu, hahú ohin loron 27 too 29 Outubru. Jornalista na’in 12 ne'ebé kompostu husi jornalista media nasionál no membru AJTL sei aranka ba Munisípiu rua, Munisípiu Aileu no Ermera iha tersa ohin (27/10) hodi halo kobertura iha loron 28 no sei fila iha loron 29.