Prezidente Juri Bolsa Kandidata, Anita Tavares de Jesus hatete, baziea ba diploma Ministerial númeru 84/2024, loron 23 Fulan-Janeiru hahú abertura ba bolsa kandidata tan ne’e aplikante sira hahú ona halo aplikasaun.
Nia dehan, vaga refere loke iha munisípiu hotu iha teritóriu laran tomak, ne’ebé ohin simu ona aplikante no sei to’o iha loron 09 fulan-Fevereiru 2024.
“Abertura ba bolsa kandidata hahú ohin komesa 29 Janeiru to’o 09 Fevereiru, ne’ebé loke iha munisípiu hutu-hotu, iha teritóriu laran tomak,” dehan Prezidente Juri ba Jornalista INDEPENDENTE iha INFORDEPE Balide, Segunda (29/01).
Prezidente afirma, bainhira aplikante sira remata aplikasaun bolsa refere, ME hamtuk ho Komisun Funsaun Publiku (KFP) sei halo verifikasaun ba dokumentus atu deside ne’ebé admitidu no la admitidu, hafoin tuir teste.
Nia dehan, teste ne’e sei hala’o iha edifísiu KFP Matadoru, ne’ebé sei realiza husi ME no KFP.
Enkuantu, vaga ne’ebé Ministeriu Edukasaun loke ba iha faze dahuluk ba de’it ensinu pre-primaria to’o ensinu Báziku terseiru siklu hamutuk rihun rua atus haat (2.400).