Diretora EBS Farol, Filomena Fátima Belo Freitas hatete, relasiona ho meza ho kadeira ne’ebé falta, nia parte hato’o ona pedidu bai ha Servisu Edukasaun Munsipiu Dili (SEMD), ho total 300, maibé Ministériu sei responde uluk ona 240.
“Ami hato’o pedidu ba iha Servisu Edukasaun Munisípiu Dili depois sira hato’o imediata ba fali nasionál, maibé grasa a Deus ami hetan kadeira unidade 120 no meza 120 nia mai kabe ba sala tolu ne’ebé dadaun ne’e estudante uza hodi tuur ona,” dehan Diretora ba Jornalista INDEPEDENTE iha nia knar fatin Faról Kuarta (12/06).
Nia dehan, meza kadeira ne’ebé ME distribui sei utiliza deit iha sentrál tanba iha ezame periodu dahuluk estudante sira tur de’it iha rai, tan ne’e esensiál uluk ba sentrál.
Maibé ba filiál sira, sei hein pedidu husi koordenadór eskola sira, hato’o ba iha sentral hafoin sira kontinua hatutan ba SEMD. Maibé sira-nia akompañamentu ba eskola filiál prosesu aprendizajem la’o normal hela, banhira iha meza kadeira ruma falta sira sei halo pedidu.
Enkuantu, Eskola Bázika Sentral Farol iha nia filial haat (4), hanesan, EBF 04 Fatuhada, EBF Tuana-Laran, EBF Vila-Verdi no EBF Rumbia. No totál estudante hamutuk 5.534.