Ministru Agrikultura, Pekuaria,Peska no Floresta (MAPPF) informa, plantasaun kafé estadu nian iha Ermera, Likisa hamutuk 12 mill ektares, ne'ebé ita ba koalia dadaun ho komunidade sira depois ita sei servisu hamutuk hodi halo reabilitasaun kafé ne'e.

Nia afirma, Tanbá kafé sira ne'e kuda iha tempu portuges ho Indonesia nian ho nia produtividade tun bei-beik, tanbá ne'e ita presiza halo reabilitasaun kafé sira ne'e.

Enkuantu atu  hadia fila-fali kafé hodi aumenta produsaun kafé ne'e iha rai laran, maibé atu halo reabilitasaun kafé hamutuk 12 mill ektares ne'e maioria husi Ermera ho Likisa.

"Iha semana uluk ha'u ba iha Munisipiu Ermera no ba Fatubessi, Hatulia ho Humboe ba halo programa rua no  ida ba  halo lansamentu atividade reabilitasaun kafe liu-liu plantasaun estadu nian," Dehan Nia ba Jornalista sira iha Palasiu Governu, Kuarta (12/02)

Nia haktuir, da-ruak nian ba atu koalia ho Komunidade sira ne'ebé uluk iha kedas plantasaun kafé estadu nian, ne'ebé ami koalia ho sira dehan katak rai sira ne'e estadu nian duni.

Bainhira ita atu halo  desenvolvementu iha ne'ebá hodi halo reabilitasaun kafé, no sira hakarak hetan benefisiu husi desenvolvementu ne'e.

"Ita sei koordena ho Ministeriu Justisa (MJ) hodi haree kona-ba rai sira ne'e, husi Ministeriu Agrikultura, Pekuaria, Peska no Floresta (MAPPF) iha programa atu halo reabilitasaun kafe," Nia esplika

Kona-ba Komunidade sira hela iha plantasaun kafé estadu nian ho nune'e ami halo sosializasaun nafatin  ba komunidade sira balun suku Humboe nian sira hotu konkorda katak rai ne'e estadu nian duni.

Ho nune'e mos sira konkorda atu halo reabilitasaun kafe no sira husu bainhira programa ne'e sai sira  sai hanesan traballador , nune'e sira mak servisu iha ne'ebá hodi hadia ka tesi kafá no hamoos kafé du'ut.

"Ne'ebé ita informa ba sira katak kafé ida tuan ne'e agora dadaun sira mak haree no bele ku'u, depois ita halo programa ne'e atividade reabilitasaun kafá ne'e hotu bainhira kafé fuan ona estadu nian ona," Nia hatutan.

Agora dadaun komunidade sira hela mesmu rai ho kafé estadu nian no durante ne'e, ita seidauk investe depois ukun a'an tanbá ne'e husu ba sira ku'u kafe ne'ebá.

Bainhira realiza ona programa atu reabilitasaun kafé ne'e nune'e ita servisu hamutuk ho sira, kuandu kafé ne'e fuan fali ona ne'e mai fali estadu nian.

Nia subliña, Kuandu kafé ku'u ne'e osan ba estadu no bainhira sira servisu atu reabilitasaun kafé hodi tesi kafé tuan, kuda kafé no hamoos du'ut ho buat sira ne'e maibé sira sai hanesan traballador hodi servisu ba kafé sira.

"Komunidade sira hela permanente iha plantasaun kafé estadu nia , ha'u hanoin sei presiza koalia ho Ministeriu Justisa tanbá buat ida relasaun ho rai ne'e so MJ mak iha kompetensia hodi hare'e asuntu sira ne'e," Nia hakotuk