“Sidadaun afetadu sira neebé kontinua hela iha lona okos, nee preokupasaun ida. Hau hanoin MAE haree hela dalan halo nusa mak fó asisténsia ba ita nia ema-sira,” Taur Matan Ruak, hateten ba jornalista-sira hafoin enkontru semanál ho Xefe Estadu, Francisco Guterres Lú Olo, iha rezidénsia Faról, Kinta (16/09).
Nia mós fó hanoin ba MAE atu buka solusaun diak, liuliu Evita atu haruk fila ema hirak nee fila-fali ba hela iha fatin risku ba dezastre, tanba oras nee daudaun besik ona tempu udan no posibilidade bele sofre bad ala rua.
Tanba nee, MAE tenke buka solusaun neebé diak liu ba sira ho kualke forma atu salva sira husi dezastre.
Antes nee, Primeiru Ministru Taur Matan Ruak husu ba sidadaun vitima dezastre naturais ka afetaadu inudasaun iha 4 abril neebé oras nee sei kontinua iha lona okos, atu aguenta oituan tanba Governu presija fatin definitivu no seguru ba sidadaun sira-nee.
