Enkuantu, implementasaun projeitu refere, konstrui ho orsamentu hamutuk dolar amerikanu rihun $54 ho sala tolu (3).
Tuir Ministru katak, iha tinan 2021, liu husi Projeitu Planeamentu Dezenvolvimentu Integradu Munisipal (PDIM), Governu konstrui edifísiu Administrasaun Suku ida ne'e, no mós Sede Suku lima (5) seluk iha Munisipiu Baukau.
Nia dehan, programa ida ne'e husi VIII Governu Konstitusional, nune'e antes ninia mandatu remata Sede Suku hotu iha Teretóriu Timor laran tomak, tenki hetan reabilitasaun no mós halo konstrusaun foun.
“Ita bo'ot sira hotu haree maioria sede suku iha Timor laran tomak konstrui iha tinan 2007, ho durasaun tempu ba tempu ne'ebé naruk, durante ne'e laiha reabilitasaun ou konstrusaun foun ba fatin sira ne'e, tanba ne'e hahú iha tinan 2021, ita reabilita no konstrui sede suku hamutuk 150,”dehan Ministru MAE, sesta (24/02).
Nia dehan, aliened, iha tinan 2022 reabilita sede suku hamutuk 250 no mós ba tinan ida ne'e 2023, sei kontinua reabilita sede Suku 52. Nune'e, bele fasilita servisu administrasaun Xefe Suku, Xefe Aldeia no mós ekipa suku sira ho ekipamentu mak hanesaun utilizasaun komputador no mós printer sira.
“Tamba ita hotu hatene katak sira presiza fatin no ekipamentu servisu sira hodi bele apoiu servisu iha atendimentu ba ita nia sidadaun sira iha nível Suku no Aldeia,”tenik Ministru.
Entretantu, Governante ne'e mós hato'o ninia sentidu haksolok no hodi Governu nia naran bele mai inaugura sede suku ne'e no hato'o parabéns ba Xefe Suku, Xefe Aldeia husi Mota ho Aldeia Lari, Prezidente Autoridade Munisipiu Baukau no mós Administrador Postu Administrativu Vemasse, ba esforsu tomak durante ne'e, hodi bele konstrui no konklui ona konstrusaun sede suku ida ne'e.
Iha seremónia Inagurasaun ne'e, hetan partisipasaun másimu husi Xefe Gabineti Ministru MAE, Administrador Postu Administrativu Vemasse, Diretor PDIM Munisipiu Baucau, Diretora Delegadu PNDS Munisipiu Baucau ho ekipa, Komandante PNTL Eskuadra Postu Vemasse, Reprezentante Komandante F-FDTL Munisipiu Baucau, Reprezentante Komandante BOP Munisipiu Baucau, Veteranu, Lian nain, Estudante, Lideransa Komunitaria no mós Komunidade sira hotu iha Suku Uai-Gae.
