Diretor Klínika HNGV, Marcelino Correia informa, iha loron ida nia laran, sala emerjensia simu pasiente na’in 200 ne’ebé maioria sofre asidente trafegu, liu-liu ho motor.
“Pasiente ne'ebé mak ita rejistu iha loron finadu nian de’it iha ne'e hamutuk 200, husi númeru ne'e maioria mai husi asidente trafegu," dehan nia iha HNGV, Segunda (06/11).
Ba espasu iha sala emerjensia, nia hatan, tanba númeru pasiente sempre barak, nune’e pasiente sira ne'ebé ho kondisaun kmaan bele halo tratamentu ambulatoriu hodi fó espasu ba pasiente sira ne'ebé mak mai ho kondisaun grave.
HNGV, nia dehan, nafatin buka meius hodi rezolve situasaun sira ne'e atu nune'e labele fó impaktu ba pasiente sira-nia vida.
