“Ita ko’alia kona-ba funsionariu reformadu lei 12/2016 kona-ba seguransa sosiál seidauk iha artigu ida obriga funsionariu sira ne’ebé atinje ona tinan 60 atu tama ba reforma,” dehan nia, iha Palasiu Governu, horisheik.

Entaun atu tama ba reforma ka lae depende ba iha ida-idak nia rekerimentu tama Komisaun Funsaun Publika prosesa enkamina ba Institutu Nasional Seguransa Sosial (INSS) atu benefisia ba sira ida-idak nian.

Faustino hatutan, durante akontese iha ema ne’ebe reformadu ona iha idade tinan 60 ba leten, maibe seidauk prontu tama ba reforma labele obriga tanba seidauk halo alterasaun ba lei numeru 12/2016.

“Ita labele obriga sira ne’ebé idade tinan 60 ba leten tanba lei la obriga. Depende ba ema ida-idak nia hakarak, sei nia hakarak ha’u sei iha kbiit servisu, sei laiha laiha dalan atu obriga nia kuandu hala’o alterasaun ba lei 12/2016, maibe kompetensia ida eskluziva ba Parlamentu Nasional,” tenik nia.

Nia dehan, komisaun halo ona koordenasaun ho Parlamentu Nasional atu haree kestaun ne’e atu kooresponde situasaun demografika populasaun Timor-Leste nian, ne’ebé maioria domina husi joven duke iha funsaun publika ida domina ho katuas ho ferik orsida servisu mos matan dukur hela deit no lakon produtividade.