Akordu hodi servisu hamutuk ne’e hahú husi Dezembru 2021 to’o Maiu tinan ne’e, MS halo akordu Anastezia ho Governu Australia liu husi Dijiting Australia hodi halo teste ba kualidade aimoruk ne’ebé kada tinan oferese kuota item lima de’it.

“Husi item lima ne’e, nia rezultadu maka sira detekta aimoruk item rua presta kona-bá kualidade, ida mak Deksametason tablet no Sinvastatin, sira nia persentazen ne’e menus husi standar,” Diretór NDFM iha MS, Delfim da Costa Xavier Ferreira hateten iha otel-Timor Sesta (17/06).

Iha akordu ne’e kada tinan Austrália oferese ba TL kuota manda de’it item lima halo teste ho gratuita ne’ebé kompostu husi Insulin, Sinvastatin, Dexametason no rua seluk tan.

DNFM foti kedan dalan atu rezolve destribusisaun medikamentu hirak-ne’e liu husi hasai karta ba fasilidade saúde no hosptiál hotu atu suspende labele kontinua ona distribui no utiliza ba pasiente sira.

Kona-bá klinika privada sira, DNFM seidauk halo teste ba importadór, maibé Diresaun Farmasia iha ona asesment ba sira nia dokumentu hotu, entaun Diresaun foti maibé seidauk halo teste, Tanba limitasaun laboratóriu nune’e fo de’it prioridade ba Governu nian.

MS servisu ho Organizasaun Munndial Saúde hamutuk ho organizasaun sanulu-resin ida seluk atu fahe informasaun ba iha populasaun tomak inklui Hospitál no fasilidade saúde sira labele distribui no konsumu lai ai-moruk ne’e.

Maibé, MS nafatin sosa aimoruk sira ne’e iha fabrika no nasaun seluk, tanba aimoruk rua ne’ebé rezistadu ne’e fontes husi India.