Tanba, Xanana dehan, bainhira dada kleur demais no liu loron ne’ebé nasaun rua, Timor Leste ho Australia, konkorda ona atu troka nota, TL bele lakon osan tokon $5 kada fulan.
“(Loron) 30 de Agostu ne’e nasaun rua konkorda ona atu troka nota, maibé ida fali ne’e mak ita dada buat ne’e kleur, fulan-fulan ita lakon osan tokon lima,” dehan Xanana bainhira halo aprezentasaun iha Parlamentu Nasionál, Tersa (16/07).
Maske nune’e, Xefe Negosiadór ne’e dehan, importante mós ba Timor Leste atu halo alterasaun ba lei sira ne’ebé iha relasaun ho tratadu FM.
“Ami hakarak dada lalais buat ne’e mós labele tanba buat ne’e laos fasil, maibé konsege liu ona, karik la lalais ita lakon osan tokon lima kada fulan husi 10% ne’e,” Xanana afirma.
