Prezidente Paralimpiku Timor-Leste, Mateus Lucas hatete, ohin halo enkontru ida ho Prezidente paralimpik Angola no Portugál oinsa bele kolabora ho sira atu fasilita treinamentu ruma.

“Ohin ita halo reuniaun ko'alia ho nasaun CPLP sira, atu estabelese akordu ida, ho nasaun CPLP sira, oinsa atu fasilita treinamentu ba treinadór no mos atleta sira,  akordu ida ba asosiasaun ne'ebé  iha país CPLP sira, atu Timor-Leste bele partisipa iha ne'eba,” Dehan nia, liu husi Konferensia Imprensa, iha Media Senter CCD, Tersa (22/07).

Iha fatin hanesan, Sekretáriu Jerál Paralimpiku Angola, Antonio Luz afirma, enkontru entre país tolu, oinsa tau hanoin hamutuk hodi apoiu mos Komite Paralimpiku.

“Enkontru ohin ita halo entre nasaun tolu, hanesan, Portugál, Angola, no Timor-Leste, atu fo hanoin ba malu, oinsa atu apoiu mos komite paralimpiku,” Nia haktuir.

Nia haktuir, reuniaun ida ne'e ko'alia oinsa atu  kapasidade Ema ho Defisiensia sira nia abilidade, atu mantein responsabilidade no  atu apoia no  promove  sira iha kapasidade.

Nune'e mos, Prezidente Paralímpiku Portugal, Jose Manuel Lourenco afirma, enkontru ho objetivu sira no asensial mak atu servisu hamutuk no inkluzivu.