Lere hateten, durante ne'e ba halo check-up iha Malazia, tanba tempu pandemia Covid-19 halo kuaze tinan 4 ona la halo tratamentu saúde.

"Doutór dehan ha’u-nia fuan hanesan joven tinan 20 nian. Ha'u saúde di'ak, biar kolestrol uitoan," dehan nia, iha Aeroportu Internasionál Prezidente Nicolau Lobato, Komoro, Sesta (8/7).

Rekomendasaun husi doutór sira, han mak tenke kontrola-aan, tanba ekonomikamente Timor-Leste depende ba ema, entaun ema haruka mie instant, ayam potong no ikan mai ne'e mak kuaze han hotu ida ne'e.

"Entaun sira rekomenda atu ita han ita-nia hahán rai-laran nian. Purezemplu modo tahan, ikan sira ne'ebé ita-nia peskador kail, manu sira ne'ebé ita  haki’ak, fahi ne'ebé ita rasik haki’ak," dehan Lere.

Nia fundamenta, agora saúde di'ak atu bele servi rai ne'e no povu, tanba funu ba ida ne'e no misaun seidauk hotu.