Asuntu ne’e, hato’o bainhira Pridente Kompañia CWP Global ho nia ekipa husi Japaun hala'o enkontru ho Sekretariu Estadu Formasaun Profesional no Empregu, Alarico do Rosario, ho nia diretór sira, iha salaun SEFOPE, kuarta ne’e (21/09).
“Ohin loron ami mai halo enkontru iha ne'e hodi hatene oinsá mak ita bele halo, hanesan formasaun sira ne'ebé mak kapasita timoroan sira, no ami buka oportunidade atu fó formasaun ba timoroan sira hodi halo dezenvolvimentu iha Timor-Leste no mós iha Japaun hotu,"dehan nia ba Jornalista sira, iha salaun SEFOPE Kaikoli.
Nia dehan, liu husi formasaun ne’e, sira mós sei rekruta timoroan sira atu ba servisu iha area sistema operasaun bee-moos no IT nian.
Nia dehan, sira seidauk bele fó sai joven timoroan na’in hira mak atu partisipa iha formasaun ne’e.
Tan ne’e, nia dehan, iha ona orientasaun atu ekipa tekniku husi SEFOPE no mós Governu Japaun nian, atu bele halo diskusaun kona ba termus legais balun hanesan, memorandum entendementu entre Governu Timor-Leste ho Japaun, nune’e bele fasilita timoroan ba servisu iha Japaun ho baze legal.
Iha fatin hanesan Diretór Jerál SEFOPE, Paulo Alves hateten, kompañia refere iha komitmentu atu estabelese formasaun ba timoroan sira liu-liu kona-ba ba sistema bee moos no IT nian.
Nia mos afirma, formasaun sistema bee moos ne'e, kompañia informa katak, sei persiza mós timoroan ne'ebé iha esperiensia enjeñeiru kona-ba bee no IT.
“Formasaun ne'e importante tebes, bainhira ba servisu iha japau tenke koñese moos lian japaun nian no iha sertifikadu ba lian refere,”nia dehan.
Tanba ne'e, nia dehan, SEFOPE hanesan instituisaun Governu nian ne'ebe mak halo prosessu mobilizasaun ba timoroan sira ba rai liur, bainhira iha oportunidade sira hanesan ne'e sei fó sai avizu ba timoroan sira ne'ebé iha interese hodi priense.
