"Sim, Brunei iha ona komunikasaun, tama iha ha'u nia grupu WhatsApp, sira iha planu atu halo rekrutamentu ba timoroan purvolta 700. Ida ne'e Embaixadór kontaktu ona ha'u, sei servisu hamutuk Diretór Diresaun Nasional Empregu Exterior hodi halo prosesu mobilizasaun ba timoroan sira,”dehan nia, ba jornalista sira iha Salaun SEFOPE, kuarta horseik (21/09).
Ba kestaun ne’e, nia informa, iha semana kotuk, fó ona resposta ba Embaixadór katak, dadauk ne’e seidauk bele halo mobilizasaun ba timoroan sira, tanba ho razaun, sei SEFOPE sei hala’o vizita ba Japaun iha tempu badak.
Nia dehan, bainhira rekrutamentu ne’e hala’o, traballadór timoroan sira sei ba servisu iha area óspitalidade, agrikultura no mós konstrusaun ninian.
Nia esplika katak, bainhira haruka timoroan sira ba servisu iha Brunei, ezemplu hanesan, iha area óspitalidade no konstrusaun sivil, konserteza tenke iha sertifikadu no iha esperiensia servisu.
Maibé, nia dehan, ba iha area agrikultura nian, lapresiza ema ne’ebé iha sertifikadu, importante mak ema bele iha esperensia servisu makas iha agrikultór nian.
Nia akresenta, planu atu rekruta timoroan ne’e, pedidu husi Brunei haruka mai ona, maibé bainhira mak atu halo rekrutamentu, SEFOPE rasik seidauk iha informasaun.
