Prezidente Komisaun F, Maria Barreto Gorimali hateten, kestaun lei protesaun labarik no jovens iha perigu, daudaun ne’e governu liu husi MSSI liu-hosi INDDICA agora kria hela stri komete ida hodi prepara planu asaun anual ba implementasaun lei ne’e.
“Kona ba labarik sira ne’ebé mak agora dadaun faan sasan barak, lapresiza lei ida protesaun labark ne’e tanba, estadu Timor-Leste mós ratifika ona konvensaun diretus labarik nomós ita iha lei kodigu penal no kodigu prosesu penal ne’ebé mak klaru iha ne’eba, no institut nasional defeza diretus labarik iha nia kompeténsia tomak para atu bele kopera ho intidades seluk hodi prevene labarik ne’ebé mak agora faan hela sasán,” dehan nia, iha Parlamentu nasionál, horisehik.
“Ita mós hatene katak, iha labraik balun ne’ebé mak nia faan sasan tanba, situasaun ekonímia iha uma laran inan aman mak haruka, maibe iha laraik balun ne’ebé mak kompania balun buka lukru liu husi labarik sira, ida ne’e mak presiza governu liu-liu, institutu nasional defeza diretus labarik nia mak iha kompeténsia tomak oinsa atu bele halo advokasia hodi prevene nomós priteje labarik sira ne’ebé mak ema seluk uja ba sira nia interese pesoal, no interese kompania.
Nia informa, Komisaun F kontinua ho nia papel ida ne’ebé mak, atu bolu atensaun husi intidade sira hotu inklui inan aman no mós komunidade sira atu haree katak, TL iha ona lei protesaun labarik no jovens iha perigu ida ne’e katak, bainhira inan aman ida atu bandona nia oan ka atu halo violensia hasoru nia oan tantu komunidade halo violensia hasoru labarik ka joven mak husi lei ne’e sei regula sira.
Nia hatete, dia 23 Fevreiru agora komisaun F sei halo atividade hamutuk ho Prezidente Autoridade Munisipiu Baucau hodi halo uluk iha ne’eba, atu bolu atensaun liders autoridade lokal nomós liders komunitariu, relijoju sira inklui inan aman ho edukador sira, para atu partisipa halo diskusaun klean ba iha kontidu husi lei protesaun labarik no joven iha peridu.
Iha fatin hanesan, Xefe Bankada PLP, Maria Angelina Lopes Saramento, hateten, kona ba lei protesaun labarik no jovens sira iha perigu, hau hanoin intidade hotu-hotu iha papel atu kontribui hodi minimiza risku komflitu labarik iha ita-nia sosiedade liu-liu labarik sira halo atividade ekonomika ne’ebé tuir lolos laos sira nia idade atu halao knar sira hanesan ne’e.
Entaun lei ida ne’e foin tama em vigor iha tinan kotuk, hau hanoin katak Ministeriu relevante hanesan MSSI, MJ no diresaun ida indika ne’ebé mak iha papel atu harer kona ba diretu labark sira nian, entaun husi lei ne’e fo ona oportunidade ba sira atu dezenvolve planu asaun oinsa atu responde ba situasaun negosiu infatil ne’ebé mak lao no buras iha ita nia rain liu-liu iha kapital Dili, nune’e ita bele minimija situasaun sira hanesan ne’e liu-liu fo soializasaun ba inan aman sira atu haree kona ba diretu no dever oan sira nian, tanba diretu oan sira nian mak atu estuda no eskola.
Agora ba inan aman sira iha dever tomak atu kria kondisaun ne’ebé diak ba oan sira atu bele estuda, no fasilidade ne’ebé naton ba sira hodi bele prepara sira nia aan ba eskola nomós inan aman mak iha responsabilidade atu fo atividade negosiu no atividade ekonomika sira.
"Ha'u hanoin Ministriu Indika, MSSI, MJ no Ministeriu sira seluk ne’ebé relevante ho asuntu protesaun labarik no jovens sira iha perigu bele haree situasaun ne’e nune’e lei ne’e tama em vigor karik iha duni efeitu pozitivu ba mudansa moris labark sira nian", nia hakotu.
