Prezidente Komisaun B, José Agustinho Sequeira “Somotxo” hatete, familia matebian ba iha Parlamentu Nasional (PN), hodi ezije atu fó sai rezultadu kazu José Bernardo de Jesus Soares Mate iha sela PNTL kaikoli.
“Ida ne’e hanesan ha’u mós preokupa, tanba familia mós too iha komisaun B PN para ijije para atu fo lolos resultadu, maibé rezutadu mak koalia dadaun nia mate ne’e omesidu ema ruma mak oho ka soesidu matebian mak oho an ida ne’e mak Ministeriu Publiku sei fó sai ba publiku atu hatene,” Dehan José ba Jornalista sira iha ambitu selebrasaun loron Veteranus iha CCD Dili (03/03).
Nia dehan, bainhira Ministeiru Publiku fo sai rezultadu rua ne’e familia konkorda simu la ka la simu ida ne’e rezultadu husi analiza hotu mak fó sai, ezemplu matebian mak oho familia sira la simu ne’e loke fali invetigasaun foun.
“Rezultadu mak ita koalia daudaun katak nia mate ne’e omesidiu ka sosidiu, nia mak oho an ka ema ruma mak oho nia, Ministeriu Publiku sei fo sai ida ne’e, agora familia simu ka la simu, ne’e hanesan resultadu husi analiza hotu-hotu mak aban rua sei fo sai, exemplu nian mak oho karik, familia sira la simu, ita tenke loke fali investigasaun foun,” dehan nia.
Nia hatutan bainhira desizaun Ministeiru Publiku (MP) fo sai rezultadu mak familia la simu halo invetigasaun foun, hanoin kondisaun propiu Timor-Leste nian ne’e laos fasili, tanba ne’e nafatin ezije hodi informa ba publiku atu hatene motivu husi kazu mate iha sela ne’e.
“Ami mós ezije nafatin, laos ezije atu informa ba komisaun B katak niaak oho han ka ema mak oho, ami laos ezije ida ne’e, hanesan Publiku no família sira preokupa konserteza Ministeriu Publiku ho Tribunal iha kompetensia autoridade moral para atu informa ba familia sira,” afirma nia.
Tanba ne’e desizaun final ba kazu sela PNTL kaikoli lai dalan seluk atu Ministeriu Publiku ho Tribunal atu koalia sai, tanba analiza sira hotu nia rezultadu mak omesidu ka soesidu ida ne’e invetigador sira halo analiza durante ne’e.
“Konaba buat rua ne’e, familia sira la simu mak analiza hotu mak nia resultadu buat rua ne’e omesidu ho soesidu, ami la bele fo sai kontrariu husi analiza ho invetigasaun,” Tenik nia.
Iha fatin hanesan Prezidente Tribunál Rekursu (PTR), Deolindo dos Santos hateten, kazu José Bernardo de Jesus Soares mate iha sela PNTL Kaikoli ida ne’e sei iha prosesu inkeritu iha Ministeriu Puhbliku.
“Kazu sela ne’e iha prosesu inkeritu hela seidauk to’o iha Tribunal Rekursu nia liman agora dadaun sei prosesu iha Ministeriu Publiku ne’ebé ita seidauk simu ida atu pronunsia buat ruma ba publiku,” dehan nia.
Alende ne’e nia mós informa katak Tribunal Rekursu rejista kazu krime ho Sivil hamutuk 80 mak sei pendente hela iha tribunal sei halo prosesu.
“To’o agora, ami tribunal rekursu rejista kazu pendente total hitunulu (70) ka Ualunulu (80) hanesan ne’e, se ha’u la sala, husi númeru ne’e, kazu sivíl ho kazu krime, maibé husi kazu ne’e, kazu sivíl menus no krime mak aas,” tenik nia.
