“Iha loron 28 Novembru tinan ne'e, Governu halo ona konkordansia ho Presidente Republika, José Ramos Horta no konkorda ona atu realiza iha Manatutu. Entaun Primeiru Ministru, Taur Matan Ruak, hatudu ona atu prezide komisaun Organizadora ida para hahú halo ona preparasaun,”dehan nia iha Palasiu Governu, kuarta ne’e (05/10).
Governante ne’e dehan, Governu prevé ona orsamentu dolar amerikanu $400.000 ba selebrasaun loron proklamasaun independénsia tinan ne’e.
Enkuantu, iha loron komemorasaun ne’e, sei realiza mós atividade sira hanesan, desportiva, seminariu, feira no mós ísar bandeira.
“Ita-nia preparasaun ba planu sira ba loron importante ne’e, fahe ona sesaun, Prezidente Komisaun Organizadora mak Vise-MAE, Lino de Jesus Torrezão no Vise-KO mak Ministru Turismu Komérsiu no Indústria (MTCI),” nia dehan.
Entretantu, tema ba loron proklamasaun Independensia ne'e, Governante ne’e seidauk hateten sai, maibé nia dehan, tema ne'e sempre foti ho ligasaun ba paz no estabilidade nasional.
