DILI: Liu husi reuniaun Konsellu Ministru kuarta ne’e (26/02), aprova ona projetu rezolusaun Governu, konaba nomeasaun Prezidente foun Radio Televizaun Timor-Leste, Empreza Públika.

Projetu rezolusaun ne’e, aprezenta husi Sekretáriu Estadu Komunikasaun Sosial, Expeditu Loro Dias Ximenes, hodi ezonera atual Prezidente Radio Televizaun Timor-Leste, Empreza Públika José Belo, hodi nomea fali Elizeu Isaac ba Prezidente foun ba mandate tinan haat.

“Nomeasaun ne’e bazeia ba kapasidade téknika no jestaun ne’ebé rekoñesidu husi Prezidente foun, no mós ninia esperensia professional, senioridade, idoneidade no imparsialdade,”dehan Komunikadu ne’ebé Online INDEPENDENTE sita, kuarta ne’e (26/06/25).

Entretantu, rekorda katak, Prezidente RTTL, EP José Belo hetan pose husi Oitavu Governu, iha tinan 2021.