“Rezolusaun Governu nian estabelese ba 350 númeru vaga adisionál ne'ebé sei rekruta hosi PNTL iha tinan 2026, ne'ebé aumenta ba vaga 400 ne'ebé antes ne'e aprova ona ba admisaun iha Kursu Formasaun Ajente, hodi aumenta totál vaga 750. Husi vaga sira ne’ebé prevee ona, 400 destina ba polisiamentu jerál ne’ebé asegura hosi Komandu Munisipál sira no 350 ba reforsu Unidade Espesializada no Rezerva PNTL nian, maka hanesan Unidade Polísia Marítima, Unidade Patrullamentu Fronteira no Unidade Espesiál Polísia,” Sita komunikadu ne’ebé Online INDEPENDENTE asesu, Kuarta (03/06).
Medida ida-ne’e ho objetivu atu hametin kapasidade operasionál PNTL nian atu hatán ba nesesidade seguransa nasionál, hodi konsidera dezafiu sira ne’ebé relasiona ho prosesu eleitorál sira ne’ebé sei mai, protesaun fronteira no Timor-Leste nia Prezidénsia ba ASEAN iha tinan 2029.
