Enkuantu, projetu refere aprezenta husi husi Vise-Ministra Finansas, Felicia Claudina da Cruz Carvalho.

Tuir komunikandu ne'ebé Online INDEPENDENTE sita katak, Komité Revizaun Polítiku mak iha kompeténsia hodi verifika alokasaun estratéjika kona-ba rekursu submisaun orsamentál nian.

“Ho objetivu atu atinje kompromisiu no objetivu sira ne’ebé hatuur iha dokumentu estratéjiku no analiza kapasidade atu ezekuta planu ba tinan finanseiru 2024 nian,”dehan komunikadu, kuarta ne’e (25/10).

Komité Revizaun Polítiku ne’e sei prezide husi Primeiru-Ministru no mós kompostu husi Vise-Primeirus-Ministrus, Ministra Finansas, Ministru Obras Públikas no husi Ministru Planeamentu no Investimentu Estratéjiku, Sekretária Estadu Igualdade no Inkluzaun, Prezidente Institutu ba Defeza Direitus Labarik nian no reprezentante ida husi Asosiasaun Defisiente Timor-Leste sei partisipa mós iha reuniaun sira Komité Revizaun Polítiku nian hanesan observadór.

Entretantu, reuniaun Komité Revizaun Orsamentál nian sei hala’o husi loron 24 fulan-Outubru to’o loron 09 fulan-Novembru tinan ne’e, iha Auditóriu Ministériu Finansas nian.

Komité Revizaun Orsamentál tenke asegura kapasidade hodi ezekuta planu anuál ba servisus no entidades setór públiku administrativu nian no ninia konformidade ho prioridade nasionál sira ne’ebé define ona bazeia ba Planu Estratéjiku Dezenvolvimentu 2011-2030, iha programa Governu, planu ba médiu prazu no planu servisu anuál sira no entidade sira iha setór públiku administrativu, no iha dokumentu polítiku no estratéjiku sira seluk Governu nian.

Enkuantu, alokasaun dotasaun orsamentál sira ba kada servisu ka entidade tenke tuir ninia planu anuál no respeita limite másimu despeza nian ne’ebé molok ne’e define ona ba kada títulu.