Iha ambítu selebrasaun asina akordu nee, Diretór Ezekutivu konsellu imprensa (KI), Rigoberto Monteiro hatete, molok nee KI asina ona akordu ida ho UNDP kona-ba mata-dalan reportajen violensia basea ba jéneru.

"Objetivu asina akordu ohin ne'e ho kooperasaun atu hakerek mata dalan ida ba reportajen eleisaun nian iha Timor-Leste ba jornalista ka reporter sira,"dehan nia iha salaun konsellu imprensa Maskarinhas, kinta (23/12).

KI hanesan intedade ida atu reguladora iha kompatensia barak hodi dezenvolvimentu, oinsá ho mekanismu ne'ebé bele di'ak ba jornalista ho reporten sira.

"Atu produs jornlista sira ne'ebé sensivel ba asuntu siensifiku, asuntu ba dame no asuntu feto, asuntu inkluzivu ho asuntu eleisaun, tanba ita hatene iha tinan 2022 eleisaun prezidensiál no 2023 eleisaun Parlamentu Nasionál (PN) no mós eleisaun munisipiu,"tenik nia.

Entretantu konsellu impresa hanoin importante ba eventu hirak ne'e, tanba KI produz hodi dezenvolve mata-dalan nasional ida hodi halo kobertura ba eleisaun nian atu nune'e asegura no prevene konflitu iha orixontal ne'ebé mosu bainhira prosesu kampaña iha eleisaun tuir mai.

"Ita hatene katak media kontribuisaun ba paz, dala ruma publikasaun husi média bele kontribui ba konflitu orizontal," nia husu.

Ba deklarasaun ne'ebé polítika na'in sira halo, tanba ne'e mak média kontinua prevene konflitu ne'ebé mosu bainhira iha prosesu kampaña.

"Ita hatene devisaun polítika boot tebes ne'ebé KI hakarak agradese ba ekipa tomak husi UNDP ninia, fulan hirak liu ba antes finaliza dukumentus atu mai tau iha mesa leten parte rua bele asina,"dehan nia

KI agradese ba Embaixada Japaun iha Timor-Leste ba sira nia apoiu prosesu mata-dalan ida ne'e, espera sei kontinua fó apoiu ba KI nia prosesu dezenvolvimentu no mekanismu.

UNDP apresenta dokumentu ida ne'e to’o ona fim no konsulta internasionál sira apresenta rezultadu mai KI iha fulan-Janeiru oin halo nia validasaun dokumentu final atu nune'e ami produs livru hodi fahe ba jornalista iha Timor-Leste.

Husi UNDP iha prosesu tomak bele empresta hahú serbisu hamutuk fó treinamentu no formasaun lubuk ida ho asuntu pasifiku.

UNDP apresenta dukumentus mai iha KI to'o nia fim ba mata-dalan ida ho relasaun asuntu pasifiku reportajen no prezisa halo iha futuru.

Iha fatin hanesan reprezentante UNDP, Munkhtuya Altangerel informa, UNDP ho onra bele selebra asina akordu liu husi KI ba projetu eleisaun prezidensiál iha Timor-Leste.

Projetu naran kortiel ne'ebé finansia husi governu Japaun hanesan projetu kortiel, projetu kortiel implementa husi UNDP liu husi paseiru atu fó apoiu ba governu Timor-Leste hodi realiza eleisaun ho justu, inkluzivu no aseguru covid-19.

Iha ambitu eleisaun ba prezidensiál tuir planu sei realiza iha fulan-Marsu tinan oin, ne'ebé justu no loloos asesu informasaun ne'e nu'udar elementu kritika ho eleisaun ho susesu," tenik nia.

"Atu asegura eleisaun susesu husi UNDP parseria ho intedade governu Timor-Leste husi STAE no CNE realiza prepara servisu lubuk ida,"dehan nia.

Asistente Editor: Saturnina da Costa