Xefe Estadu Maior F-FDTL, Tanente Jeneral Lere Anan Timur hatete, seminariu neebé feto F-FDTL realiza nesesariu tebes nune'e sira bele iha konesimentu klean ba sira-nia servisu iha militar.
“Ha'u hanoin katak nesesariu par ita-nia feto sira militar hatene didiak nia knar iha instituisaun no mós hatene nia knaar nuudar parte familia ida nian,” dehan Lere iha Kuartel Jeneral Fatuhada, Dili, Kinta (23/09).
Lere dehan, númeru feto iha F-FDTL sei kiik no balun bele dehan iha diskriminasaun, maibé neneik sei haree kona-ba kestaun igualdade jeneru no sei fó servisu ne'ebé serve duni ba feto atu hala'o.
Iha fatin hanesan, responsavel jeneru F-FDTL, Tanente Marquita da Cunha hatete, seminariu nee hanesan seminariu dahuluk neebé realiza husi parte jeneru nian ho objetivu atu partila koñesimentu ba feto militar sira no mós knaar no responsabilidade ba sira-nia laen no oinsa futuru estabelisimentu jeneru iha F-FDTL.
