KAK Identifika Projetu Pendente 53 Hela iha ADN   Featured

By Estajiariu Venancio Aparicio Ximenes Jullu 16, 2025 206
Diretór Jerál Prevensaun no Sensibilizasaun Antonino Alves da Crus. Foto:INDEPENDENTE Diretór Jerál Prevensaun no Sensibilizasaun Antonino Alves da Crus. Foto:INDEPENDENTE

DILI: Komisaun Anti Korupsaun (KAK) liu husi Diresaun Prevensaun no Sensibilizasaun hala’o inspesaun no indentifika iha projetu 53 ne’ebé maka dadauk ne’e pendente hela iha Ajénsia Dezenvolvimentu Nasional (ADN).

Diretór Jerál Prevensaun no Sensibilizasaun Antonino Alves da Crus hateten, projetu sira ne'ebé pendente iha Ajénsia Dezenvolvimentu Nasional (ADN) hamutuk projetu 53 ne’ebé maka ekipa alista, husi Munisipiu Baukau, Manufahi, Vikeke no RAEOA.

“Iha monitorizasaun ba projetu sira ne'e, provizoriamente rezultadu balun ne’ebé maka Komisaun Anti Korupsaun (KAK), detekta iha terrenu hatudu katak projetu sira ne'ebé implementa iha tinan 2015 to'o agora projetu sira pendente maibé ninia estatutu on going hela,”dehan nia ba Jornalista Online INDEPEDENTE iha nian kna'ar Fatin, Matadoro,Dili, Tersa, (15/07/25).

Nia hatutan, iha monitorizasaun ne’e KAK mós identifika projetu balun abandonadu no laiha sinal kontinuasaun, maibé sira nia kontratu extende ba bebeik.

Nune’e mós, KAK deskobre katak, kompañia balun ne’ebé hanesan implementadór la kumpre kontratu no BOQ ka dezeñune’ebé iha.

Aleinde ne’e, iha mós kompañia ne’ebé balun hahú rezigna-aan ona, maibé estatutu la’o hela.

“Ita deskobre sira ne'ebé maka agora dadaun estabelese ne’e, nia mekanismo sira ne'e mai ho ajudikasaun direita no servisu balun maka ita hare iha terreno katak kompañia barak maka laiha kbi'it atu bele implementa  projetu, entermos finansiamentu, teknikamente, no kustu sira ne'e hotu, sira laiha kbi'it atu hola sasan, entaun implika ba prosesu implementasaun projetu ne'e,”tenik Diretór Jerál Prevensaun no Sensibilizasaun Antonino Alves da Crus.

Nia akresenta liu tan, iha projetu balun ne’ebé halo ona maibé la utiliza, nune’e mós projetu balun ninia pagamentu montante boot liu fali ninia progresu fiziku.

Tuir KAK, Ida ne’e bele fó implikasaun no prejuizu bo'ot ba estadu.

Entretantu, projetu sira ne’e maioria projetu eletrifikasaun, konstrusaun estrada no mós konstrusaun edifisiu sira.

Tanba ne’e, ekipa elabora hotu projetu sira ne’ebé abandonadu iha teritoriu laran tomak, maka ekipa KAK sei bolu na’in ba implementadór projetu sira ne’e atu bele tuur hamutuk hodi buka solusaun no responsabiliza ba projetu sira ne’ebé pendente.

Enkuantu, projetu 53 ne’e kompostu husi Manufahi iha projetu 6, Vikeke iha 3, Baukau iha 1 no RAEOA iha 42.

Rate this item
(0 votes)

Independente Digital TV

Follow us on Facebook

Kalendariu Notisia

« July 2025 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31