“Dadus emprezariu no fakultativu iha teritoriu laran tomak, ne’ebé tama ona iha Institutu Nasional Seguransa Sosial (INSS) hamutuk 8,845. Husi numeru ne’e, ita verifika ona 5,506 no restu 3,339 mak agora ita sei prosesu hela,”dehan Prezidente INSS, Longuinhos Armando iha knar fatin, Kaikoli, tersa ohin (15/06).
Nia esklarese, husi total dadus emprezariu no fakultativu 8,845 ne’e, kobre ona iha Munisipiu 12 inklui Rejiaun Administrativu Espesial Oekuse Ambeno (RAEOA).
Nune’e, bainhira INSS verifika hotu ona dadus sira ne’e, hafoin halo karta pedidu ba fundu Covid no BNCTL atu halo pagamentu.
Entretantu, ba emprezariu no fakultativu ne’ebé tuan, rezistu sei lao nafatin to’o fulan ikus Juñu.
Asistente Editor: Saturnina da Costa
