Husi numeru ne’e, entidade empregador na’in 1,623 no traballador fakultativu sira hanesan, motorista, taxista, obralan no ambulante hamutuk 5,084.
“Ita verifika ona ita nia empregador no fakultativu sira ne’ebé mai rejistu iha INSS hodi hetan subsidiu husi Governu hamutuk 6,707, ne’ebé kompostu husi ita nia empregador hamutuk 1,623 no motorista, taxista, obralan ho negosiante ambulante sira hamutuk 5,084, mak ita verifika ona iha INSS,” dehan nia iha knar fatin INSS, kaikoli, kuarta (02/06).
Nia hatutan, dadus empregador no fakultativu sira ne’ebé rezistu ona iha INSS no seidauk verifika hamutuk 2.000 resin.
Nune’e, bainhira dadus sira verifika hotu mak INSS haruka pedidu ba fundu Covid-19 hodi halo pagamentu.
Tanba ne’e, Longuinhos husu ba emprezariu no fakultativu tuan sira ou ne’ebé rezistu nanis ona, atu mai rezistu nafatin tuir regras ba prevensaun Covid-19 nian.
Enkuantu, ba emprezariu no fakultativu sira ne’ebé rezistu nanis ona iha seguransa sosial sei atende to’o fulan-Juñu ikus.
Asistente Editor: Saturnina da Costa
