Prezidente INSS, Longuinhos Armando Leite, hatete, trabalhador fakulkultativu foun ne'ebé rejistu iha INSS hamutuk 1.377 no entidade empregador hamutuk 607.
"Total emprezariu no trabalhador fakulkultativu ne'ebé ita halo ona pagamentu agora ne'e hamutuk 8.881 ho osamentu montante ne'ebé ita selu ona ne’e, total hamutuk dolar amerikanu tokon U$5.649,”dehan nia iha knaar fatin INSS, Kaikoli, kuarta horseik (27/10).
Nia hatutan, INSS sei kontinua halo pagamentu ba empregador no traballador fakultativu sira ne’ebé seidauk hetan sira nia direitu to’o fulan-Novembru tinan ne’e.
Entretantu, antes ne’e INSS selu ona entidade empregador hamutuk 607 no traballador fakultativu hamutuk 754.
Enkuantu, prosesu verifikasaun dokumentus ba traballador sira ne’eb’e seidauk hetan subsidiu, kuaze remata ona no agora hein atu transfere osan ba konta bankaria traballador sira nian.
Asistente Editor: Saturnina da Costa
