INSS Ezekuta Ona Millaun $4,9 ba Empregador-Traballadór

Abril 19, 2025

Nasional

INSS Ezekuta Ona Millaun $4,9 ba Empregador-Traballadór

By Ekipa Independente Setembru 13, 2021 559

Traballador no Empregador sira rejistu iha INSS hodi hetan apoiu subsidiu iha ambitu Covid-19. Foto:INDEPENDENTE.

DILI: Iha tinan 2021, Governu aloka millaun $45 ba Institutu Nasionál Seguransa Sosiál (INSS) hodi apoiu entidade empregadór no traballadór sira ne’ebé afeitadu husi pandemia Covid-19, ne’e duni INSS ezekuta ona millaun $4,9 ba empregadór no traballadór sira.

“Iha fulan Jullu 2021, Ministériu Finansas halo ona transferénsia orsamentu ba konta bánkaria INSS ho montante millaun $22,7, ne’e duni INSS ezekuta ona millaun $4,9,”haktuir iha komunikadu ne’ebé Online INDEPENDENTE asesu iha pajina ofisial Ministeriu Finansas nian domingo ne’e.

Husi ezekusaun ne’e apoiu entidades empregadór hamutuk 1,493 ho totál pagamentu millaun $2,6, subsídiu eletrisidade ba empregadór hamutuk 273 ho totál pagamentu $378 mil. Subsídiu renda ba kompaña hamutuk 181 ho totál pagamentu $176 mil, dispensa kontributiva ba Estadu Emerjénsia ba ema hamutuk 294 ho totál pagamentu $274 mil.

Dispensa kontributiva fakultativu ba ema hamutuk 1,377 ho totál pagamentu $29 mil. Fakultativu ba ema hamutuk 1,377 ho totál pagamentu $252 mil, apoiu subsídiu ba traballadór hamutuk 7,894 ho totál pagamentu millaun $1,3.

Rate this item

(0 votes)