enkuantu, labarik sira ne’e barak liu husi Munisipiu Aileu, Baucau, Covalima no Bobonaro. 

“Ami nia ekipa sira haree no observa katak labarik sira barak mak lakon tempu barak liu ba halimar tanba eskola paradu, entaun sira halimar de’it, inan-aman mós laiha maneira oinsa para bele akompaña oan sira,” dehan nia ba Online INDEPENDENTE iha nia kna’ar fatin Bidau Lesidere segunda horseik (16/08).

Nia hatutan, bazeia ba programa husi Governu nian liu husi Ministeriu Edukasaun Juventudi no Desportu (MEJD), hodi implementa programa eskola ba uma no online, maibé ida ne’e sai dezafiu bo’ot ba labarik sira no inan-aman, tanba barak mak laiha telephone android, leptop no televizaun hodi asesu ba estudu.

Tanba ne’e, WVTL husu ba inan-aman sira atu kria kondisaun ida atu nune’e bele akompaña oan sira hodi fila-fali materia ne’ebé antes ne’e hakerek ona.

Enkauntu, tuir dadus provizoriu ne’ebé ekipa sira iha labarik sira ne’ebé laasesu ba estudu iha situasaun serka sanitaria no estadu emerjensia hamutuk 800.

“Ba dadus sira ha’u ladun lembra klaru, iha ne’e ami nia ekipa sira mak hatene klean liu tanba, dadus ne’e ami sempre update fulan rua ka tolu, ha’u labele apresenta numeru ruma iha ne’e tanba ha’u bele dehan parese atus ualu (800) maibé, keta liu karik ou minus tiha fali karik,” tenik nia.

Entretantu, World Vision Timor-Leste hanesan parseria ida no serbisu hamutuk ho Ministeriu Edukasaun Juventude no Desportu (MEJD), nune’e sei ko’alia ho manorin na’in sira atu sai ezemplu diak iha eskola, hodi evita evita baku labarik sira iha eskola.

Enkuantu, molok ne’e, MEJD mós distribui ona materia rezumu ba estudante sira iha ensinu ciclo 9 ano ho total hamutuk rihun 125 ho pajina hamutuk 32 kopia husi materia 10 no 80 pajina, pakote ida ne’e distribui ba eskola sira iha 12 munispiu inklui RAEOA, ho orsamentu hamutuk dolar amerikanu rihun $ 41.771.72.

Asistente Editor: Saturnina da Costa