Tuir Brigada hosi suku foun Madohi iha sentru votasaun 30 de Agustos Henreque Sousa Lobato informa, iha joven lubuk ida maka ho sira nia kartaun eleitorál, kartau identidade (BI) no Passaporte atu mai tuir vota maibé bainhira too iha meza brigade sira verifika sira nia idade seidauk too.
“Sira ne’ebé maka mai ha’u duni fila ne’e laos haree ba tinan maibé ami haree mos ba iha kartaun balun mai lori kartaun indentidade (BI) ho passaporte mos la bele vota tanba tuir regra ne’ebé ami simu bazeia ba vontante ne’ebé maka mai ho eleitorál bele iha diretu no iha kartaun hirak seluk maibé haree ba naran iha lista laiha nia laiha diretu ba vota,”informa nia ba jornalista iha sentru votasuan 30 de Agustos Komoro Segunda (22/07).
Nia esplika, sira ne’ebé moris tinan seidauk too maski nia moris iha loron 20 fulan-Jullu tinan 2000 iha diretu vota maibé moris iha fulan hanesan maibé loron 23 ba leten ne’e laiha diretu tuir vota, signifika tinan seidauk too 17.
Brigadista ne’e informa votante ne’ebé maka brigade duni fila ne’e hanesan tinan seidauk too iha ema nain , lori passaporte nain 4 no BI nain 2.
“Ha’u la hatene tanba saida tinan seidauk too maibé iha ona kartaun eleitorál,no ami mos simu informasaun hosi STEA maski iha kartaun eleitorál maibé tinan seidauk too labele tuir vota,”hatete Henrique.
Iha fatin hanesan mos Xefe suku foun Madohi Bernadino de Cristo lamenta ho votante ne’ebé maka iha ona eleitorál maibé brigada sira haruka fila,tanba tuir autoridade ninia haree ema ne’e moris iha tinan 2000 no sura deit fulan par abele halo tinan 17 nusa maka labele vota .
“Tuir lolos ema sira ne’e iha ona sentiment hakarak atu tuir vota entau fó liverdade ba nia para ezerse sira nia diretu,”dehan Bernadino.
Xefe suku ne’e dehan,tanba saida maka ema mai too tiha ona iha sentru votasaun sei persija duni fila,lolos ne’ebé buat hanesan ne’e labele akontese,tanba ne’e ho governasaun foun mai ne’e husu atu hadia frakeja sira ne’e .
Nia dehan,lei ne’ebé maka trava ema ne’ebé iha ona eleitorál maibé la iha diretu tuir vota ne’e signifika lei la justu tanba ema ne’e hela deit fulan para kompleta tinan 17,lolos ne’e fo oportunidade para ema ba ezerse ema nia diretu.
Entertantu konoba situsaun eleisaun hahu hosi tempu deder too oras determina situsuan lao kontroladu no populasuan hosi suku madohi partisipa masimu.
Tanba ne’e hanesan autoridade lokal iha diretu atu halo kontrolu tama uma sai uma hodi hare populasuan ne’ebé maka latuir vota,kuandu ema ne’ebé la tuir vota,xefe sei sei bolu hodi husu tanba saida maka timor oan la tuir vota ,karik indentifika iha populasaun barak la tuir vota iha sansaun iha loron ikus.
“Total votante iha ha’u nia suku Madohi hamtuk 7.113 ital ne’e ba iha aldeia 8,total komunidade rihun 15.383 numeru ne’e sura hahu hosi labarik too ferik katuas,”informa Baernadinob.
Entertantu tuir obesrvasaun jornalista Timor iha tereunu nota katak, situsaun ihasentru votasaun hahu hosi sentru votasaun eskola 5 fomentu,sentru votasaun eskola sekundaria FIanantil Aimutin no sentru votasaun 30 de Agustos Komoro lao diak.
