Vise-Prezidente Partidu CNRT, Virgilio Smith, ho estrutura Partidu Nasionál to’o baze hato’o parabens ba Maun Boot José Alexandre Xanana Gusmão.

“Feliz aniversariu Komisaun Polítika Nasionál (CPD no CDN), hamutuk ho estrutura nasionál, munisipiu, posto administrativus, militantes no simpatizantes partidu CNRT nomos Raeoa, Parabens ba maun boot Kay Rala Xanana Gusmao,” dehan Virgilio estrutura Partidu, iha sede Partidu CNRT, Bairro Grilhos, Sabado (20/06).

Prezidente Bankada CNRT, Deputadu Duarte Nunes ho esperansa, hakarak Maun Boot Xanana isin di’ak hodi kontribui no hadia buat ne’ebé hahú ona.

“Hadia hotu tiha para depois entrega ba jerasaun foun, ida ne’e mak ami nia hakarak, sira seluk ne’ebé bele hamutuk ho nia tau di’ak kondisaun, depois halo tranferensia ba jerasaun foun,”dehan Xefe Bankada CNRT.

Ne’e hanesan kontribuisaun ida, maibé tenke prepara hotu kondisaun, foin estrega ba jerasaun foun sira.

“Tanba aban bainhira problema ita atu fó sala ba sé, fó sala sira ne’ebé seniór sira ne’e mak la estrega sasan ho di’ak. Tanba ami nia esperansa katak nia hetan saúde di’ak nafatin servisu, buat hotu kompletu ona, entrega ba jerasaun foun, hotu-hotu bele deskansa nafatin,”nia subliña.