Nia dehan, Xina sai nu'udar apoiante ida-ne'ebé metin ba setór saúde Timor Leste nian

Prezidente Repúblika fó Medalla Méritu no Diploma Rekonsiliasaun ba pesoál médiku Xina 12 tanba sira-nia kontribuisaun esepsionál ba dezenvolvimentu setór saúde Timor Leste nian.

“Aktu rekoñesimentu ida ne'e sai hanesan símbolu ba apresiasaun ne'ebé kle'an ba sira nia dedikasaun no servisu," dehan PR Horta, iha Palasiu Prezidensia, Bairru-Pite, horisehik.

Nia hatete, hahú kedas husi akordu kooperasaun entre RDTL ho Repúblika Populár Xina iha Governu Konstitusionál Timor-Leste nian ba dahuluk, Xina sai nu'udar apoiante ida ne'ebé metin ba setór saúde Timor-Leste nian.

Nia dehan, apoiu ne'e hahú ho ekipa médika dahuluk ne'ebé mai iha fulan-Dezembru 2003, hodi marka momentu importante ida iha jornada saúde Timor Leste nian. Durante tinan barak, pesoál médiku Xineza hamutuk 123 mak dedika aan hodi servi Timor Leste.

Nune'e, ekipa Médiku Xina nian ba dala sia ne'ebé kompostu husi pesoál médiku 12, nunka kole hala'o atividade médiku oioin durante tinan rua nia laran. Sira hala'o papél importante iha área espesializada oin-oin inklui kardiolojia, urolojia, operasaun jerál, obstetrika no jenekolojia, ortopedika, anestezia, reabilitasaun TCM, enfermeiru, aimoruk kuidadu intensivu, no radiolojia. Sira-nia susesu hahu desde sai pioneiru ba cirurgias laparoskópiku to'o introdús tékniku médiku inovativu sira.

Nia esplika, nota partikulár mak estabelesimentu Sentru Nasionál Litotripsia Timor Leste, hodi fornese servisu urolojiku esensiál ba komunidade. Introdusaun teknolojia monitorizasaun Holter no monitorizasaun ambulatóriu ba presaun raan prense ona lakuna krítiku sira iha servisu saúde nian.

Iha esforsu kolaborativu ida, ekipa ne'e mós envolve ativamente iha inisiativa sıra ba kapasitasaun, formasaun ba profisionál saúde lokál sira iha teknolójia médika avansadu sira, hodi asegura sustentabilidade ba sira nia impaktu.

Alende, sira nia papél fundamentál iha Ospitál Nasionál Guidu Valadares, Ekipa Médiku ida ne'e la'o liu no la'o maka’as liu, hodi hala'o vizita ba tratamentu médiku gratuita ba suku sira ne'ebé remota. Liu husi esforsu hirak ne'e, sira to'o ona ba iha pasiente 3000 liu, iha área remota sira, ne'ebé sei hasoru dezafiu sira iha asesu ba kuidadu médiku. Ekipa ne'e mós fahe aimoruk gratuita, hala'o diagnóstiku kona-ba Aimoruk Tradisionál Xina (TCM) liu 250, no fornese relatóriu X-ray 270 iha sentru saúde oin-oin iha Timor-Leste, hodi hatudu dedikasaun ekipa nian ba kuidadu saúde ne'ebé komprensivu.

Tuir mai individuál sira husi Ekipa Médiku Xina da-9 ne’ebe simu onra husi Prezidente Timor Leste hanesan Liu Yabin, Departamentu Radiolojia, Ospitál Afiliadu dahuluk iha Chengdu Medical College  Xie Yunfeng, Departamentu Urolojia, Ospitál Povu Primeiru iha Neijiang  Zhang Ke, Departamentu Operasaun Jerál, Ospitál Sichuan Cancer  Liang Xiaobo, ICU, Southwest Medical University Afiliated Hospital  Zhang Min, Departamentu Obstetrika no Gynekolojia, Ospitál Povu Deyang  Long Hua, Departamentu Anestezia, Ospital Povu Segundu Deyang  Zheng Maowen, Departamentu Enfermeira, Ospital Povu Provinsionál Sichuan  Zeng Hao, Departamentu Ortopédiku, Ospitál Neijiang ba Aimoruk Tradisionál Xina Wen Lianbin, Departamentu Kardiolojia, Ospitál Povu Provinsionál Sichuan He Lingna, Departamentu Acupuntura, Universidade Chengdu Traditional Chinese Medicine University Affiliated Hospital. Pan Meiling, Departamentu Saúde Sentru Komunikasaun Internasionál Sichuan Xu Xigui, Departamentu Saúde Sentru Komunikasaun Internasionál Sichuan.

Ekipa Médiku Xina dala sia remata ona sira nia servisu ho susesu. Ekipa foun ne’ebé foin to’o kompostu husi médiku nain sanulu resin rua husi ekipa médiku dala sanolu asume ona sira nia kna’ar iha ospitál Nasional Guidu Valadares iha loron 18 Outubru 2023. Ekipa Médiku Xina hotu-hotu ne'ebé serve iha Timor Leste mai husi Provínsia Sichuan, Repúblika Populár Xina.