Nia dehan, Oitavu Governu Konstituisional hahú inisiu to'o iha Dezembru 2022 rehabilita ona sede suku hamutuk atus haat (400).

"Defaktus ne’ebé iha, até Dezembru tinan 2022 ita rehabilita ona sede suku hamutuk atus haat no tinan ida ne'e sei rehabilita sede suku hamutuk 52 atu nune'e antes madatu ida ne'e remata, sede suku hotu-hotu tenki rehabilita hotu ona," dehan nia iha Salaun Kofi Anan, Kaikoli, tersa (28/01).

Governante ne’e esplika, programa prioridade MAE nian iha Oitavu Governu ne'e mak atu rehabilita sede suku sira, tanba sede suku sira ne'e konstrui kedas iha tinan 2006.

Enkuantu, orsamentu atu rehabilita tan sede suku 52 iha teritoriu laran ho montante dolar amerikanu hamutuk rihun $600.

Nia dehan, atu konstrui sede aldeia ne'e prioridade ba programa segundu nia, Governu tuir mai bele planeia hodi tau orsamentu atu nune'e bele konstrui. Tanba aldeia iha teritoriu Timor laran tomak hamutuk 2.233

"Maske antes ne'e konstrui ona sede aldeia, liu husi programa PNDS ne'ebé balun iha ona, maibé ne'e númeru kiik oan los," nia hakotu.