“Objetivu husi kriasaun festival ne’e mak, atu halibur no hametin populasaun timoroan hodi selebra atividade desportiva, ho promosaun ne’ebé inerente ba atividade fízika no enkoraja desportu iha sira nia modalidade, iha planu ba edukasaun fízika iha kategoria desportu nian hanesan tradisionál, rekreativu, inkluzivu no alta kompetisaun,”dehan Ministru Predensial Konsellu Ministrus, Fidelis Leite Magalhães, iha Palasiu Governu, kuarta ne’e (10/08).

Governante ne’e, dehan, festival ne’e objetivu, atu rezumu, asume hanesan forma ida ne’ebé promove hamutuk ho joven sira, no mós populasaun sira seluk, importánsia husi desportu no atividade fízika, ninia benefísiu sira, ekonómiku, polítiku no iha area saúde públika nian.

Entretantu, festival ne’e, sei sai eventu ida ne’ebé sei hala’o iha tinan-tinan, ne’ebé nia estrutura, kalendarizasaun no regra sira sei define, tinan-tinan mós, husi Ministériu responsavel ba área desportu nian.